Is-sharany ótkizý kezinde aýmaqtyq bólimsheler quqyqtyq túsindirý jumystaryn belsendi júrgizedi. Sonymen qatar qoǵamdyq oryndarda, avtobýstarda, kınoteatrlarda jaıaý júrginshi balalardyń jol júrý qaǵıdalaryn saqtaýyn jáne balalardy tasymaldaý kezinde arnaıy qurylǵylaryn paıdalaný kerektigin nasıhattaıtyn aýdıo jáne beınerolıkter kórsetiledi. Odan bólek, oqý jylynyń bastalýymen is-shara sheńberinde polısııa qyzmetkerleri bilim berý organdary, mektep jasaqtarymen birlesip, jol júrý qaýipsizdigi boıynsha sabaqtar ótkizbek. Aıta ketý kerek, oqý oryndarynyń janyndaǵy jol ınfraqurylymy da turaqty negizde tekseriledi.
Jol jáne kommýnaldyq qyzmetterdiń ókilderimen birlesip, jalpy bilim berý mekemelerine irgeles aýmaqta jaıaý júrginshiler ótkelderin qajetti jol belgileri, jaıaý júrginshiler qorshaýlary jáne jol júrisin retteýdiń basqa da tehnıkalyq quraldarymen qamtamasyz etý boıynsha bes myńǵa jýyq tekserý júrgizilgen bolatyn. Nátıjesinde ýákiletti uıymdarǵa kemshilikterdi joıý boıynsha 1500-ǵa jýyq uıǵarym berildi. Sondaı-aq balalar men jasóspirimderdi tasymaldaýǵa arnalǵan kólikterge kóp kóńil bólinip otyr.
«Bıyl bizdiń qyzmetkerler oqý oryndaryna tıesili 1200-ge jýyq tasymaldaý kóligin tekserdi. Anyqtalǵan kemshilikterdi joıý boıynsha 200-den astam nusqama berildi. Elimizdiń barlyq mektebi birer kúnde balalarǵa esigin aıqara ashady. Budan bylaı balalardyń negizgi júrý baǵdary «úı – mektep – úı» arasynda bolmaq. Júrgizýshiler jol qozǵalysyn retteıtin jáne baǵdarsham sıgnaldarynyń, jol belgileriniń, jol jumystarynda qoldanylatyn dybystyq jáne jaryq sıgnaldarynyń talaptaryn qatań saqtaýy qajet. Al balalarǵa tek trotýarlarmen nemese jaıaý júrginshiler joldarymen, al olar bolmaǵan kezde jol jıekterimen júrýge keńes beremiz. Joldyń júris bóligin tek jaıaý júrginshiler ótkelderi arqyly, al olar kórinbeıtin jerde – trotýarlar nemese jol jıekteri syzyǵynyń qıylystarynda kesip ótý kerek. Jolda júretin barlyq adamdy jol erejelerin saqtaýǵa jáne óskeleń urpaǵymyzdy qorǵaýǵa shaqyramyz. Ishki tártip, zańǵa jáne basqa adamdardyń quqyqtaryna qurmetpen qaraý – qazaq qoǵamy umtylýǵa jáne soǵan sáıkes bolýǵa tıis normalar», deıdi IIM ÁPK erekshe tapsyrmalar jónindegi aǵa ınspektor Aqtoty Boranova.
