«Búgin búkil elimiz Konstıtýsııa kúnin atap ótip jatyr. Bir jyl buryn memleket pen qoǵamnyń syndarly dıalogynyń arqasynda Ata zańǵa óte mańyzdy ózgerister engizildi. Endi bizdiń Konstıtýsııamyzdy ádilet ıdeıasyn basshylyqqa alǵan jańa qoǵamdyq kelisimniń quqyqtyq qujaty deýge tolyq negiz bar. Qasym-Jomart Toqaev Prezıdent qyzmetine kirisken alǵashqy kúnnen bastap ádiletti qoǵam men tıimdi memleket qurýdy basty baǵdar etip ustady. Jańarǵan Konstıtýsııa atalǵan saıasattyń júzege asyp jatqanynyń aıqyn belgisi», dedi Erlan Qarın.
Onyń aıtýynsha, byltyrǵy Konstıtýsııalyq reformanyń nátıjesinde bılik tarmaqtary arasynda ońtaıly balans qalyptasty. Halyqtyń eldi basqarý isine aralasý múmkindigi artty. Azamattardyń quqyǵyn qorǵaý tetikteri kúsheıtildi. Solaısha, bılik pen qoǵam jańa reformalardyń avtorlaryna aınaldy.
