Foto: Polisia.kz
Mınıstr mektepterdiń birimen baılanysqa shyqty. Aıta ketý kerek, oqý ordasynda dabyl júıesi iske qosylsa, sıgnal birden polısııaǵa túsedi.
Shymkentte 246 mektep bar, onyń 151-i memlekettik. Ondaǵy beınekameralar sany 2600-den asady. Mınıstr departamenttiń jańa basshysyna olardy tolyǵymen polısııaǵa shyǵaryp, osy baǵyttaǵy jumysty jetildirýdi tapsyrdy.
– Mektepter memlekettik, jeke menshik dep bólinbeı, tolyǵymen jedel basqarý ortalyǵyna shyǵarylýy tıis. Bul balalardyń qaýipsizdigi úshin qajet. Polısııa departamentiniń basshysyna birinshi kezekte osy jumysty qolǵa alýdy tapsyrdym. Sonymen qatar oqý oryndarynyń mańyndaǵy jol ınfraqurylymyn, jaıaý júrginshiler ótkeliniń bar-joǵyn, mektep avtobýstarynyń jaı-kúıin tekserýdi júktedim, – dedi Marat Ahmetjanov.
Sondaı-aq vedomstvo basshysy jeke qurammen kezdesip, polısııaǵa júktelgen mindetterdi eske saldy. Qyzmetkerlerdiń de, azamattardyń da tarapynan zańsyzdyq pen bassyzdyqqa jol berilmeý qajettigin basa aıtty.
Jumys saparynyń sońynda Marat Ahmetjanov mınıstrliktiń Baýyrjan Momyshuly atyndaǵy oqý ortalyǵyna bardy. Munda ol polıseı bolýdy maqsat tutyp, ár óńirden biliktiligin arttyrýǵa kelgen jas tyńdaýshylarmen júzdesti. Ortalyqtyń aýmaǵynda jyldam qımyldaıtyn arnaıy jasaqqa arnalǵan úı-jaı men alań salynbaq.
