Úkimet: el aldyndaǵy mindettiń jaýapty kezeńi

Aldymen Májilis Spıkeri, «Amanat» partııasynyń tóraǵasy Erlan Qoshanov fraksııanyń keńeıtilgen otyry­syn ashyp, byltyrǵy referendýmda halyq Memleket basshysynyń saıası reformalaryn tolyq qoldaǵanyn jáne jańarǵan Ata Zań aýqymdy ózgeristerdiń bastaýy bolǵanyn atap ótti. Sondaı-aq ol Prezıdent ár Joldaýynda elimizde ádildik pen demokratııa prınsıpterin ornyqtyrý jáne nyǵaıtý jolynda júıeli túrde, kezeń-kezeńimen jaǵdaı jasap kele jatqanyn aıtty.

«Memleket basshysynyń bastamasymen bıyl alǵash ret basym daýysqa ıe bolǵan partııa Premer-mınıstrdiń kandıdatýrasyn usyndy. Búgin jańa saıası maýsymnyń qarsańynda biz taǵy bir dástúrdi bastaǵaly otyrmyz. Alǵash ret fraksııa otyrysynda Prezıdenttiń Joldaýlarynyń oryndalýy jóninde Premer-mı­nıstr­diń aqparatyn tyńdaı­myz. Son­dyq­­tan basym daýysqa ıe bolǵan par­tııa retinde fraksııa otyrysyna Úki­met basshysyn arnaıy shaqyryp otyrmyz», dedi E.Qoshanov.

О́z kezeginde Premer-mınıstr Á.Smaıylov Prezıdent júktegen min­detterdi oryndaý boıynsha Úkimet­tiń atqarǵan jumysyn baıandady. Ol ekonomıkany damytý, kásipkerlikti, aýyl sharýashylyǵy men óndiristi qoldaý, azamattardyń tabysyn arttyrý, áleýmettik saıasatty jaqsartý, ju­mys­pen qamtý, óńirlerdiń ınfraqury­lymdyq damýy máselelerin sheshý jáne jumys barysyndaǵy ózge de mańyzdy baǵyttarǵa egjeı-tegjeıli toqtaldy.

Onyń aıtýynsha, jumys istep tur­­ǵan shaǵyn jáne orta kásipkerlik sýbektileriniń sany keıingi bir jylda 27%-ǵa ósip, 1,8 mln-nan asty. Osy sektorda jumyspen qamtylǵandardyń jalpy sany bir jylda 18%-ǵa artyp, 4,1 mln adamǵa jetti.

«Jalpy, bızneste ákimshilik júkte­meni azaıtý boıynsha oń ózgerister baıqalyp jatyr. «Taza paraqtan retteý» qaǵıdaty sátti engizilip keledi. Jańa retteýshi saıasattyń sharttaryna sáıkes kelmeıtin 10 myńnan asa talap anyqtaldy. Qazirdiń ózinde onyń 9 myńy zań aıasynda alynyp tastaldy», dedi ol.

Buǵan qosa Úkimet basshysy aýyl sharýashylyǵyn memlekettik qoldaý boıynsha júıeli sharalar qabyldanyp jatqany týraly aıtty. Salany sýbsı­dııa­laý kólemi 430 mlrd teńgege deıin ósti. Prezıdent tapsyrmasy boıynsha keıingi eki jylda paıdalanylmaı jatqan jáne jekemenshikke zańsyz berilgen 8 mln gektar aýyl sharýashylyǵy jerleri qaıtaryldy.

«Aýyl amanaty» arnaıy baǵdarla­masy boıynsha aýyl halqynyń tabysyn arttyrýǵa baǵyttalǵan aýqymdy jumys bastaldy. Osy maqsattarǵa 1 trln teńge, onyń ishinde bıyl 100 mlrd teńge baǵyttalady. Búginde 29 mlrd teńge somasynda 5,3 myń shaǵyn ne­sıe berildi. Nátıjesinde, 4,5 myńnan asa jańa jumys orny quryldy», dedi Á.Smaıylov.

Sonymen qatar jańadan qabyldanǵan Áleýmettik kodekstiń áseri týraly sóz boldy.

«Kodeks azamattardy týǵannan bas­tap egde jasqa jetkenge deıin áleýmet­tik qoldaýdy kózdeıdi. Balalary bar otbasylardy áleýmettik qoldaý úshin bala kútimi kezeńi 1,5 jasqa deıin ul­ǵaıtyldy. Kópbalaly analarǵa beri­letin járdemaqy artty. Búginde bul járdemaqyny 750 myńnan asa ana ala­dy. 1 qyrkúıekten bastap jalpy bilim beretin mektepterdiń 1-4-synyp oqýshylary tegin tamaqtandyrylady. Sondaı-aq bıyl áleýmettik jaǵdaıy osal otbasylardan shyqqan 97 myń balanyń balabaqshalarda tegin tamaq­taný máselesi sheshildi. Memleket basshy­synyń tapsyrmasy boıynsha múge­de­k­tigi bar jáne asyraýshysynan aıyrylǵan adamdarǵa beriletin áleýmettik járdemaqy 23%-ǵa artty», dedi Úkimet basshysy.

Bul rette jyl saıyn muǵalimderdiń jalaqysy 25%-ǵa, dárigerlerdiń jala­qysy 30%-ǵa, orta medısınalyq perso­naldyń jáne basqa sanattaǵy jumys­kerlerdiń jalaqysy 20%-ǵa artyp keledi. Erteńnen bastap 380 myńnan asa stýdenttiń stıpendııasy ósedi.

Á.Smaıylov Prezıdent Joldaýlary halyqtyń ál-aýqaty men ómir sapasyn arttyrýǵa baǵyttalǵanyn atap ótti.

«Memleket basshysynyń aldyńǵy Joldaýlarda bergen tapsyrmalary jalpy oryndaldy dep aıtýǵa bolady. Júıeli jáne uzaqmerzimdi tapsyrmalar­dy iske asyrý jalǵasyp jatyr. Jalpy halyqtyń ál-aýqatyn arttyrýǵa baǵyt­talǵan aýqymdy, júıeli jumys atqary­lyp keledi. Úkimet Parlamentpen birle­sip, alǵa qoıylǵan mindetterdi júzege asyrý jumysyn jalǵastyrady», dedi ol.

Májilis Spıkeri Parlamenttegi jańa sessııasynyń ashylýy qarsańynda osyndaı jıyn ótkizýdiń óte oryndy ekenin atap ótti.

«Qazirgi ýaqytta Úkimettiń baryn­sha jumys istep jatqanyn kórip otyr­myz. Eń bastysy, Prezıdent júkte­gen mindetter oryndalyp jatyr. Azamat­tardyń áleýmettik máselelerin sheshý boıynsha oń qarqyn baıqalýda. Fraksııa depýtattary Úkimetpen birge Memleket basshysynyń tapsyrmalaryn oryndaý jolynda osy qarqyndy saqtap qalýy qajet», dep qorytyndylady E.Qoshanov.