Tártip saqshylaryna – jańa kólik

Pavlodar qalasynda «P­o­lı­sııanyń qazaqstandyq ser­vıstik modeli» qanatqaqty jobasy iske qosylǵan. Joba aıasynda polısııa jumysyna problemalyq-baǵdarlaý tásili engizilip, halyqqa servıstik qyzmet kórsetýdi jaqsartý bo­ıyn­sha sharalar qabyldanyp jatyr. Sonymen qatar basqa memlekettik organdarmen, úki­mettik emes uıymdarmen árip­testikti nyǵaıtý jolǵa qoıylýda.

Osy baǵytta qoǵamdyq qaýipsizdikti qamtamasyz etý, sapaly servıstik qyzmet kórsetý úshin oblys ákimi Asaıyn Baı­hanov polıseılerge Chevrolet «Nexia» markaly 20 qyzmettik avtokóliktiń kiltin tabys etti. Bul kólikter ýchaskelik polısııa ınspektorlaryna jáne patrýldik polısııa batalony men rotasynyń ınspektorlaryna beriletin bolady. О́ıtkeni ýchaskelik polısııa ınspektory kóbine halyqpen tyǵyz qarym-qatynas jasaıdy. О́z ákimshilik ýchaskesi aýmaǵynda bir ózi kóp­tegen isti atqarady, máselen, otbasylyq qıynshylyqtardy, kórshiler arasyndaǵy janjal­dardy sheshedi, senimsiz azamat­tardyń esebin júrgizedi, kóshe abattandyrylýyn buzylý fak­tileriniń jolyn kesedi.

Al batalon ınspektorlary táýlik boıy aýlalar men kó­shelerdi patrýldeýdi qamtamasyz etedi, «102» ope­ratorynyń pýltine kelip túsetin shaqyrtýlarǵa shyǵady. Bul qyzmetterdi avtokólikpen jabdyqtaý azamattardyń ótinishterine jedel den qoıýǵa septigin tıgizbek.

– Kez kelgen qıyn sátte halyq sizderge júginedi, óıtkeni olar sizderdi ádilettiliktiń tiregi retinde kóredi. Aldaǵy ýaqytta da Pavlodar polısııasy oblys turǵyndarynyń quqyqtaryn laıyqty qorǵaıtynyna, al jańa qyzmettik avtokólikter qoǵamdyq tártipti odan ári nyǵaıtýǵa jáne qylmysqa qarsy kúresti kú­sheı­týge qyzmet etetinine senim­dimin, – deıdi óńir basshysy.

Polısııa departamenti bas­tyǵynyń birinshi orynbasary Jasqaırat Qaıyrov oblys basshylyǵyna ishki ister organdarynyń máselelerine únemi nazar aýdaryp, járdem berip otyratyny úshin al­ǵysyn bildirdi. «Búgingi tańda polısııanyń barlyq ýchas­kelik pýnkti «Polısııanyń qazaq­standyq servıstik modeli» qa­natqaqty jobasy aıasynda jańa formatta jumys istep ja­tyr. Qazir olar kúsheıtilgen, ýchaskelik ınspektorlar jeke mekenjaılarǵa bekitilmegen, biraq ákimshilik ýchaskeniń búkil aýmaǵyna qyzmet kórsetedi. Qyzmetkerlerimizdiń jańa kóliktermen qamtamasyz etilýi quqyq qorǵaý organdarynyń jumys tıimdiligin arttyryp, qoǵamdyq qaýipsizdik pen azamattardyń konstıtýsııalyq quqyqtaryn qorǵaýdy qamta­masyz etýge óz yqpaly tıgizedi dep senemin», dedi ol.