QAZNETTIŃ ALǴAShQY QADAMDARY

Keshe Almatyda ótken keńeste Baılanys jáne aqparat mınıstri Asqar Jumaǵalıev Internet júıesinde qazaqstandyq segmentti damytýdyń mańyzdylyǵyn atap kórsetti. Qaznetti damytý jónindegi atalmysh keńeske Baılanys jáne aqparat mınıstrliginiń, “Qazkon­tent” AQ ókilderi jáne “Qa­zaq­stan Internet qaýymdastyǵy” zań­dy tulǵalar birlestikteriniń ókil­deri qatysyp, ózekti oı-pikir­lerin ortaǵa saldy. Mınıstrdiń aıtýynsha, Qaznetti damytý qazirgi ýaqytta mınıstrlik qyzmetiniń basym baǵyttarynyń biri bolyp tabylady. О́ıtkeni, bul sala naq qazir jedel qarqynmen ósý ústinde ári bıznes-ortada óziniń kommer­sııalyq tartymdylyǵymen aıryq­sha kózge túsip otyr. A.Jumaǵalıev qazaqstandyq saıt­tardy qoldaýdyń memlekettik baǵdarlamasyn júzege asyrýdaǵy ıgilikti izdenisterge toqtala kele, osy oraıda memlekettik qoldaýǵa ıe bolǵan alǵashqy jeti saıttyń attaryn atady. Mınıstr sol arada olardyń avtorlary men ıelerine tegin hostıng sertıfıkattaryn ta­bys etti. Internettik aqparat aı­dynynda tegin jumys isteýdiń qur­metti quqyǵyn ıelengen alǵashqy qarlyǵashtar qatarynda  Alekseı Sheglov (night.kz), Ashat Erkimbaı (minber.kz), Valentına Borovaıa (uchi.kz), Marat Túnqatarov (kzmz.kz, mama.kz, comport.kz)  jáne basqalar bar. Úsh birdeı jobanyń jasaýshy avtory M.Túnqatarov óziniń jaýap sózinde osyndaı jaqsy múmkin­dik­ter týǵyzyp otyrǵan memlekettik qoldaý úshin mınıstrlikke jáne Qazaqtelekomnyń mamandaryna alǵys aıtty. Marattyń bir saıty jas analar úshin paıdaly keńester berip, sábı kútiminde kóp septigin tıgizýde. Al jýrnalıst, web-redaktor V.Borovaıanyń jobasy joǵary synyp oqýshylaryn bilim kókjıegine qulshyndyryp, UBT-ǵa utymdy daıyndalý oraıynda taptyrmaıtyn kómekshi bolýda. Jalpy, memlekettik baǵdarlama hostıng qyzmetin tegin berý ar­qy­ly qazaqstandyq saıttardy qol­daýdy kózdeıdi. Osylaısha olardyń únemdelgen qarjysyn resýrs órisin keńeıtýge jumsaýǵa múmkindik tý­ǵyzady. Kezdesý barysynda baǵdar­lamaǵa qatysý úshin belgilengen ta­laptarǵa saı keletin resýrstar shaqyrylatyny basa aıtyldy. Mundaı saıttardyń keıbiri tipti aıyna alty myń retten ashylatyn kórinedi. Bul jóninde “Qazkon­tent” AQ basqarmasynyń tóraǵasy Azamat Omarov áńgimeledi. Sonymen birge kezdesýde Qa­zaqstan Internet qaýymdasty­ǵynyń Internet júıesindegi qa­zaqstandyq segmenttiń norma­tıv­tik-quqyqtyq negizin jetildirý jónindegi usynystary tanysty­ryl­dy. Elimizdegi hostıng qyzmetin damytý jaıy sóz boldy. “Qaz­kon­tent” AQ qazir mınıstrlikpen já­ne Qaztelekommen birlese otyryp otandyq hostıng alańdary úshin jaq­sy jaǵdaı jasaý múmkindikterin qarastyrýda. Qazaqstandyq Inter­net-qoǵamdastyqtyń ókilderi bul kezdesýdiń jemistiligin atap ótip, os­yndaı yntymaqtastyqtyń al­da­ǵy ýaqytta Qaznetti jańa sapalyq bı­ikterge kóteretindigine senim bildirdi. Qorǵanbek AMANJOL.