Sport • 03 Qyrkúıek, 2023

Qazaqstannyń qyzdar qurama komandasy qola júldege qol jetkizdi

270 ret

kórsetildi

1 mın

oqý úshin

Keshe Ystanbuldaǵy Býrhan Felek ortalyq stadıonynda órt-qutqarý sportynan erler arasyndaǵy (XVIII) jáne qyzdar arasyndaǵy (IX) álem chempıonatynyń birinshi kúni oqý munarasynyń 2,4-qabattaryna shabýyl satysymen kóterilý túri boıynsha jarys ótti. Elimizdiń qyzdar ulttyq qurama komandasy úshinshi oryn alyp, qola júldege qol jetkizdi, dep jazady Egemen.kz.

Shyńǵys MUQAEV

Qazaqstannyń qyzdar qurama komandasy qola júldege qol jetkizdi

Foto: QR TJ mınıstrligi

Qazaqstan komandasynda 20 sportshy bar. Onyń 10-y er adam jáne taǵy bir 10-y áıel adam. Jarysqa Qazaqstan, Belarýs, Reseı, Avstrııa, Bolgarııa, Kamerýn, Slovakııa, Túrkııa, О́zbekstan, Saýd Arabııasy, Qytaı, Iran, Ázerbaıjan, Mońǵolııa, barlyǵy 14 eldiń ókilderi qatysyp jatyr.

14 erler quramalary arasynda Qazaqstannyń erler ulttyq quramasy IV orynǵa ıe boldy. Úzdik nátıjeni Ábdibek Erkin 13,9 sekýnd ýaqytpen kórsetti.

Osy túrdegi 9 qyzdar qurama komandalardyń arasynda elimizdiń qyzdar ulttyq qurama komandasy júldeli III orynǵa ıe boldy. Úzdik nátıjeni Tursyn Aıdana kórsetti. 7,2 sekýnd nátıjesimen ol úzdik segizdikke enip, birinshi jartylaı fınaldyq jarysqa qatysty, sondaı-aq osy túr boıynsha Qazaqstannyń ulttyq rekordyn jańartty (burynǵy rekord 7,28 sekýnd).

Birinshi kúngi qyzdar men erler arasynda aqtyq jarystar boıynsha Belarýs Respýblıkasynyń ókilderi Vıktorııa Tıshkevıch 7.2 sekýnd ýaqytpen jáne Ýkolov Nıkıta 13 sekýnd ýaqytpen áıelder men erler arasynda álem chempıondary atandy.

TJ mınıstrligi

Erler arasyndaǵy XVIII álem chempıonaty jáne órt sóndirý-qutqarý sportynan qyzdar arasyndaǵy IX álem chempıonaty 6 qyrkúıekke deıin Halyqaralyq órt sóndirýshiler men qutqarýshylar sport federasııasynyń qoldaýymen ótedi.