Osy ózekti máselelerdiń ishinde jastar máselesi de tys qalmady. Joldaýda jastar týraly birneshe taqyryp kóterildi. Búginde bala quqyǵy men onyń qaýipsizdigi, jastar arasyndaǵy býllıng máselesi ózekti bolyp otyr.
Prezıdenttiń buǵan deıingi Joldaýlarynda da jastardy aýylǵa tartý máselesi jıi aıtylatyn. Aýyldyq jerlerge jastar baratyndaı qolaıly jaǵdaı jasalmaǵan. Aýyl men qala mektebiniń alshaqtyǵy bilinedi. Aýyldarda ártúrli oıyn-saýyq jáne demalys oryndarynyń joqtyǵy da ózekti. Úı berý máselesi, nesıe, jumyspen qamtý máseleleri jolǵa qoıylmaǵan.
Joǵary oqý ornyn nemese kolledjdi jańa támamdaǵan jastarǵa jumys tabý ońaı emes. Osy máseleni sheshýdi qolǵa alýymyz kerek. Mamandyq alyp, úlken ómirge jańadan qadam basqan jastar úshin bul problema bolmaýy tıis. Memleket tarapynan ıakı agroónerkásipterden nemese iri kompanııalardyń taraptarynan qoldaýlar bolýy kerek. Sonymen qatar nasıhat jumystary júrgizilgeni jón. 9-synypta, tipti 8-synypta kásiptik baǵdarlar beretin bolsaq, bul úlken nátıjege jetkizedi degen oıdamyn. О́ıtkeni agroónerkásip boıynsha, keıbir basqa da salalar boıynsha kadrlar jetispeýshiligi, jastardyń bolmaýy, jastardyń shetelderge ketip qalýy sııaqty máselelerdi de qaraýymyz kerek. Nasıhat jumystaryn jaqsylap júrgizsek, barlyq qajetti mamandyqtarǵa jetkilikti granttar bólip, shákirtaqyny arttyryp, jaǵdaı jasalatyn bolsa, oqý bitirgennnen keıin jumyspen qamtý, úı berý, jeńildetilgen nesıeler berý máseleleri ońymen sheshilip jatsa, jastar aýyldarǵa barar edi. Sondyqtan da aýyldardyń dárejesin, mańyzyn arttyrýymyz kerek.
Qazir Astana jáne Almaty qalalarynda jataqhana jáne oqý aýdıtorııalarynyń jetispeýshiligi syndy máseleler bar. Osy eki megapolıske jastar kóp keledi. Máselen, Eýrazııa ýnıversıtetine 7 myńnan astam stýdent tústi, bul úlken kórsetkish. Monoqalalarda, oblys ortalyqtarynda jataqhanamen qamtylýǵa múmkindik bola tura jastardyń qalmaýy, jastardyń úlken qalalarǵa baryp, jataqhana máselesi, t.b. problemalarǵa tap bolýy kókeıkesti máseleler. Máselen, Arızona men M.Qozybaev ýnıversıtetteri memorandýmdarǵa qol qoıdy. Osy sııaqty kóptegen qos dıplomdyq turǵysynda memorandýmdar jasalsa eken. Jastarǵa taǵy da basqa jeńildetilgen, tıimdi, ártúrli baǵdarlamalar jasalsa, jastar monoqalalarda, oblys ortalyqtarynda oqıtyn edi.
Prezıdent kóterip otyrǵan máseleler óte ózekti. Jastar Memleket basshysyn qoldaıdy. Jastarǵa jańa múmkindikter berilse, olar barlyǵyn da jasaıdy degen senimdemin. Elimizge jany ashıtyn patrıot jastar kóp bolsa eken deımin.
Elimizde Otbasy jáne jastar mınıstrligi qurylsa degen usynysym bar. Jastarǵa kóbirek kóńil bólinse, jańa múmkindikterge jol ashylsa quba qup bolar edi.
Jalpy Prezıdent Joldaýynda aıtylǵan sózderge tolyqtaı kelisemiz, qoldaımyz. Jastar úshin múmkindikter kóbeıe berse eken dep tileımiz.
Ulan AMANQAZYULY,
«Qazaqstan stýdentteri Alıansynyń» tóraǵasy
