HALYQARALYQ QYZMETTESTIKTER DAMI BERMEK

Keshe Premer-Mınıstr Kárim Másimov IV Qazaqstandyq ınvestısııalyq sammıt jumysynyń sheńberinde iri halyqaralyq kompanııalar ókilderimen jumys babyndaǵy kezdesýler ótkizdi, dep habarlady Premer-Mınıstrdiń baspasóz qyzmeti. “ArselorMıttal” kompanııa­sy­nyń dırektorlar keńesiniń tór­aǵasy jáne bas atqarýshy dı­rektory Lakshmı Mıttalmen kez­desýde Qazaqstandaǵy ken-metal­lýrgııa kásiporyndary qyzmeti­niń máseleleri talqylandy. K.Másimovtiń Ernst & Young Global kompanııasynyń bas operasııalyq dırektory Djon Fer­raromen kezdesýinde Qazaq­stan­nyń ınvestısııalyq tartym­dy­lyǵyn odan ári jaqsartý jaıy áńgime boldy. Qazaqstan Úkimeti basshy­sy­nyń “Shevron” korporasııasy bas­qarma tóraǵasynyń oryn­ba­sa­ry, atqarýshy vıse-prezıdenti Djordj Kırklandpen kezde­sýin­de qazaqstandyq mazmun, kom­pa­nııa qyzmetinde otandyq kadr­lar­dy daıarlaý men qaıta daıarlaý máseleleri talqylandy. Al “RÝSAL” OK bas dırek­to­ry Oleg Derıpaskamen kezdesý barysynda elektr energııasy jáne metallýrgııa salasyndaǵy jo­balardy damytýdyń kókeıkesti máseleleri áńgime arqaýyna aınaldy. Qytaı ınvestısııalyq kompa­nııa­­synyń tóraǵasy jáne bas dırektory Loý Szıveımen kez­desýde Qazaqstan Respýblıkasy men Qytaı Halyq Respýblıkasy arasyndaǵy ınvestısııalyq jáne saýda-ekonomıkalyq qyzmetti odan ári damytýdyń basym­dyq­tary sóz boldy. Osy kúni tústen keıin Pre­mer-Mınıstr K.Másimov 4-inshi Qazaqstandyq ınvestısııalyq sammıttiń qorytyndy seksııasyna qatysyp, sóz sóıledi.