Foto: Akorda.kz
Prezıdent jańadan taǵaıyndalǵan basshynyń qarjy-ekonomıkalyq baǵytta mol tájirıbesi bar ekenin jáne qarjy retteýshisiniń qyzmetin jetik biletinin, tórt jyldan astam ýaqyt Prezıdent Ákimshiliginiń áleýmettik-ekonomıkalyq blogyn basqarǵanyn atap ótti.
Memleket basshysy atqarǵan jumysy úshin Ǵalymjan Pirmatovqa alǵys aıtyp, qabyldanǵan sharalardyń nátıjesinde makroekonomıkalyq, qarjylyq turaqtylyq qamtamasyz etilgenin atap ótti.
Prezıdent Ulttyq bankke ınflıasııany tómendetý, qarjy tehnologııalary men ınnovasııany damytý jáne kelesi jyly ulttyq tólem júıesin tolyqqandy iske qosý jóninde mańyzdy mindetter júktelgenin habarlady.
«Biz bıznesti jetkilikti dárejede nesıelendirýdi qamtamasyz etý mindetin kótergenimizge bir jyl ǵana bolǵan joq. Bul jumysty jedeldetý qajettigi jóninde men Qazaqstan halqyna Joldaýymda málimdedim. Atalǵan másele boıynsha teńgerimdi sheshim tabý, jańa tásilderdi, quraldar men tetikterdi engizý isin belsendi túrde yntalandyrý mańyzdy. Halyqaralyq qarjylyq yntymaqtastyqqa jáne Ulttyq banktiń úshinshi elderdiń ortalyq bankterimen jáne qarjy ınstıtýttarymen ózara is-áreketine qatysty máselelerge erekshe nazar aýdarý qajet. Qazirgi geosaıası jaǵdaıda elimizdiń qarjy júıesine jahandyq retteýshilerdiń qyzyǵýshylyǵy artyp keledi. Sondyqtan osyndaı qarym-qatynas ornatýda teńgerimdi ári tıimdi jol tabý jáne eldiń qarjylyq qaýipsizdigi úshin táýekelder men saldarǵa tıisti baǵa berýdi qamtamasyz etý mańyzdy», dedi Prezıdent.
Qasym-Jomart Toqaev Ulttyq banktiń ujymy júktelgen barlyq mindetti júzege asyra alatynyna senim bildirdi.
