Bir ádil sheshim myń taǵdyrdy qorǵaıdy

Semınarǵa Qazaqstandaǵy EO Elshisi Kestýtıs Iаnkaýskas, Eýropa Keńesi Adam qu­qyqtary jónindegi dırektoraty bóliminiń basshysy Sergeı Dıkman, EO lektorlary, «Ortalyq Azııadaǵy HELP» jobasy hat­shylyǵynyń sarapshy­sy, Konstıtýsııalyq sot sýdıalary, Pre­zıdent janyndaǵy Adam quq­yq­tary jónindegi ko­mıs­sııanyń tóraǵasy, Parlament depýtattary, kásibı zańgerler qaýym­das­tyqtarynyń, azamattyq sektordyń ókilderi jáne memlekettik qyzmetkerler qatysty.

Dıalogtik alańda qatysýshylar azamat­tar­dyń Ortalyq Azııa memleketteriniń kons­tıtýsııalyq baqylaý organdaryna jú­giný erekshelikterin, sondaı-aq Adam qu­qyq­tary jónindegi Eýropalyq sottyń sha­ǵymdardy qabyldaý salasyndaǵy halyq­aralyq tájirıbesin talqylady.

Konstıtýsııalyq sot tóraǵasy Elvı­ra Ázimova is-shara qonaqtary men qa­tysýshylaryna alǵys bildirip, kons­tı­tý­sıonalızm ıdeıasyn ilgeriletý jáne aza­mattardyń konstıtýsııalyq quqyq­ta­ryn qorǵaý isinde kásibı zań qoǵamdas­ty­ǵy­men jáne azamattyq ınstıtýttarmen áriptestiktiń mańyzdy rólin atap ótti. Konstıtýsııalyq sot sýdıasy Aı­jan Jatqanbaeva bir sheshimmen myń azamattyń quqyǵyn qalpyna keltirýge bolatyn Konstıtýsııalyq sot sheshimderiniń mýltıplıkatıvti áserine basa nazar aýdardy. Máselen, arnaıy ruqsat qujattary joq munaı jáne munaı ónimderin tasymaldaý týraly qaralǵan is boıynsha sottalǵandardyń sany 40-tan asady. Memlekettik qyzmettiń erekshe túrlerine qol jetkizý týraly is boıynsha sheshim negizinde úsh saǵat ishinde qyzmette bolmaǵany úshin áskerı qyzmetten bosatylǵan azamat jáne memlekettik qyzmetke kire almaǵan 6,6 myńǵa jýyq adam memlekettik qyzmetke kirý quqyqtaryn iske asyra alady.

Lıtva Konstıtýsııalyq sotynyń buryn­ǵy tóraǵasy, Adam quqyqtary jónin­degi Eýropalyq sottyń sýdıasy Danýte Iosıene Lıtvanyń konstıtýsııalyq baqy­laý organynyń tájirıbesimen bólisip, qa­tysý­shylardy Adam quqyqtary jónindegi Eýropalyq sotqa shaǵymdardyń ruqsat etilý talaptarymen tanys­tyrdy.

Qazaqstandyq konstıtýsııalyq baqylaý organyna beriletin ótinishter týraly KS Appa­ratynyń bólim meńgerýshisi Saltanat Nurym­betova baıandama jasady. Ol elimizdiń kúndelikti ómirde naqty is boıynsha sot sheshimi bolmasa, sondaı-aq azamattyń pikirinshe, sotqa júginý qandaı da bir oń nátıjelerge ákelmeıdi jáne zańnyń ózi Konstıtýsııaǵa qaıshy jazylǵan dep eseptese, ımperatıvti norma boıynsha júginý múmkindigi bar ekenin atap ótti.

Semınardy qorytyndylaı kele, qatysý­shy­lar mazmundy dıalogtiń mańyzdylyǵy men ózektiligin atap ótti. Olar alǵan bilim­deri men tájirıbeleri qoǵam úshin jáne konstıtý­sııalyq quqyqtary men bostandyq­taryn qorǵaýǵa júgingen árbir adamnyń ıgiligi úshin jumys isteýge múmkindik beretinin atap ótti.