«Prezıdent óz Joldaýynda geosaıası jáne ekonomıkalyq silkinister áleminde Qazaqstan óziniń kúshti jaqtaryn básekelestik artyqshylyqtarǵa aınaldyrýdy úırený qajet ekenin aıtty. Men buny bıylǵy Joldaýdyń basty oıy retinde qabyldadym. Bizde resýrstar kóp, biraq ınvestorlar úshin qajetti jaǵdaı tolyq jasalmaǵan. Bizde laıyqty óndirýshiler bar, biraq jumystary baıaý, oǵan qosa, eńbek naryǵy qorǵalmaǵan. Qazaqstannyń ekonomıkalyq áleýetin arttyrý úshin kemshilikterdiń barlyǵyn joıý - Úkimettiń jáne bılik tarmaqtarynyń basty mindeti. Bul bıylǵy Joldaýdyń mańyzdy temirqazyǵy dep oılaımyn», dedi Lázzat Ramazanova.
Sondaı-aq L.Ramazanovanyń aıtýynsha, Memleket basshysy ekonomıka qazirgi zamanda ekologııalyq máselelermen tyǵyz baılanysta ekenin aıqyn jetkizdi. Damyǵan elderdiń tájirıbesin negizge ala otyryp, biz ESG qaǵıdattary boıynsha ındýstrııalyq saıasat qurýǵa mindettimiz. «ECOJER» qaýymdastyǵy osydan eki jyl buryn sý tapshylyǵy problemasyn keshendi sheshý qajettigin talap etken. Sondyqtan Sý resýrstary mınıstrliginiń qurylýy aqtalǵan talap. Eń bastysy, onda sapaly sheshimder qabyldaı alatyn naǵyz kásipqoı mamandar shoǵyrlanýy kerek.
«Ekinshi aspekt - adamdar. Sońǵy Ulttyq quryltaıda Qasym-Jomart Toqaev, shyn máninde, jańa áleýmettik baǵdarlamany jarııalady, Joldaýdan biz sonyń qısyndy jalǵasyn estidik. Kez kelgen ekonomıkalyq reformalardyń ındıkatory - qatardaǵy Qazaqstan azamattarynyń ómiri, árbir otbasy men eresekterdiń jáne balalardyń áleýmettik jaǵdaıy ekeni anyq. Biraq biz balalar týraly aıtqanymyzda, eski problemalar aldyńǵy orynǵa shyǵady», dedi ol.
Onyń oıynsha, óz balalaryn qorǵaı almaıtyn memlekette qandaı tabystar týraly sóz bolýy múmkin?! Býllıng jáne zorlyq-zombylyq problemalary, oǵan qosa, mektepter men bilikti pedagogtardyń tapshylyǵy da bar.
«Joldaýda aıtylǵandardy júzege asyrý boıynsha adamdardyń ál-aýqatyn arttyrýǵa basymdyq berilýi kerek», dep túıindedi Lázzat Ramazanova.
