Granttardyń kópshiligi, ıaǵnı 47,9%-y nemese 126 grant mal sharýashylyǵyna, 36,9%-y nemese 97 grant tehnologııalyq jabdyqtardy satyp alýǵa berildi.
Bıyl 11 qyrkúıekte bastalatyn úshinshi lekte oblys boıynsha 200 grant berý josparlanǵan. Jalpy respýblıka boıynsha 3 780 grant beriledi.
Budan basqa osy jyldyń basynan bastap jastardyń kásipkerlik bastamalaryna jyldyq 2,5%-ben mıkrokredıt berý túrinde járdemdesý sharasy kózdelgen. Pavlodar oblysynda jastar úshin 157 mıkrokredıt berý josparlanǵan, bul maqsatqa respýblıkalyq bıýdjetten 785 mln teńge bólindi. Qazirgi ýaqytta jalpy somasy 530,4 mln teńgege 136 mıkrokredıt berildi.
Jas kásipkerlerge mıkrokredıtter úzdik bıznes-jobalardy irikteý jónindegi konkýrstyq komıssııanyń sheshimi negizinde «Agrarlyq kredıttik korporasııa» AQ atynan senim bildirilgen agent arqyly beriledi.
400 AEK kóleminde grant alýshylardyń biri Ekibastuz qalasynyń turǵyny Svetlana Leıs. Ol memlekettik qoldaýdyń bul sharasy týraly áleýmettik jelilerden bilip, qatysýǵa sheshim qabyldaǵan.
«Aqpan aıynda qalalyq jumyspen qamtý ortalyǵyna habarlasyp, barlyq qajetti aqparatty aldym. Nátıjesinde kásipkerlik negizderi boıynsha oqyp, sertıfıkat aldym», dedi S.Leıs.
