Foto: gov.kz
«Qarýly kúshterde 6000-ǵa jýyq kópbalaly otbasy bar. Osy qyzmettiń basshylary balalardy, olardyń jasyn, nege áýestenetinin, nemen aınalysatynyn jaqsy biledi. Bıylǵy jyly «Mektepke jol» aksııasy aıasynda áskerı qyzmetshilerdiń 1800-den astam balasy jáne 80-ge jýyq azamattyq personal qamtyldy», dedi Qarýly kúshter áskerı qyzmetshileriniń otbasy múshelerimen jumysty uıymdastyrý bóliminiń basshysy Táttigúl Smaǵulova.
Jas otbasylarǵa erekshe nazar aýdarylady. Bul sanatta áskerde 8500-ge jýyq januıa bar. О́z taǵdyryn Otan qorǵaý mamandyǵymen baılanystyrǵan Qarýly kúshterdiń ardagerlerine, áskerı qyzmetshiler áýletine qurmet kórsetetin is-sharalar ótkiziledi. Mundaı kezdesýlerdiń tárbıelik máni zor. Olar otbasylardaǵy ózara túsinistikti nyǵaıtýǵa yqpal etedi, balalardyń mamandyqqa degen qyzyǵýshylyǵyn ashady, urpaqtar sabaqtastyǵyn úlgi-ónege etedi.
68665 áskerı bóliminde «Otbasy – baqyt mekeni» sharasy ótti. Atalǵan sharaǵa qatysýshylarǵa sporttyq, shyǵarmashylyq konkýrstar men merekelik konsert uıymdastyryldy.
Keń aýqymdy baǵdarlamany Aqmola óńirlik garnızonynyń áskerı polısııa basqarmasy daıyndap, ashyq esik kúnin ótkizdi. Jınalǵandardy Qazaqstan Qarýly kúshteri Áskerı polısııa bas basqarmasynyń bastyǵy polkovnık Rýslan Qulymbetov tamasha merekemen quttyqtady. «Mektepke jol» aksııasy aıasynda ol balalarǵa syılyqtar úlestirdi.
«Áskerı ujymdaǵy salaýatty moraldyq ahýal jáne otbasynyń yntymaǵy – áskerı qyzmetshiniń tabysty qyzmetiniń, Qarýly kúshterdiń jaýyngerlik daıyndyǵynyń kepili», dep atap ótti ol.
Áskerı bólimge kelýshiler úshin jeke quram men kınologtardyń jaýyngerlik daǵdylaryn kórsetý, áskerı tehnıkanyń, qarý-jaraq pen jaýyngerlik qural-jabdyqtardyń úlgilerin kórsetý, kórkemónerpazdar konserti, eresekter men balalarǵa arnalǵan oıyn baǵdarlamasy uıymdastyrylyp, jeńimpazdar men júldegerlerge medaldar men syılyqtar berildi.
