«Biz brendti qaıta qarastyryp, oǵan jańa mán-maǵyna berip, ony jarqyn ári este qalarlyq etkimiz keledi. Bálkim, bul 21 ǵasyrda balamasy joq jol, óıtkeni jarqyn beınesiz qandaı da bir ilgerileý týraly aıtý múmkin emes. Bul búgingi kúnniń shyndyǵy. Dese de, jasalǵan rebrendıng – aıasy tar maqsat nemese jaı ǵana grafıkalyq ózgeris emes. Bul bizdiń qundylyqtarymyzdyń, evolıýsııamyzdyń jáne kemeldikke degen umtylysymyzdyń kórinisi», dep atap ótti QShF prezıdenti Tımýr Týrlov.
Jańartylǵan fırmalyq stıl elimizdiń mádenı tereńdigi men bolashaqqa ashyqtyǵyn kórsetetin dástúr men qazirgi zamannyń úılesimi. Onyń negizinde ál-aýqat pen molshylyqty beıneleıtin, qazaq mádenıetindegi danalyqtyń nyshanymen jáne shahmattaǵy erekshe fıgýra – attyń beınesimen toǵysqan ejelgi «Múıiz» oıý-órnegi jatyr. О́tken men búginniń ushtasýy Federasııanyń Qazaqstandy baı tarıhı muranyń saqtaýshysy retinde ǵana emes, shahmatty damytý úshin ozyq tehnologııalardy paıdalanatyn álemdik qoǵamdastyqtyń progressıvti qatysýshysy retinde kórsetýge degen umtylysyn bildiredi.
«О́tken kezeńde bizdiń federasııa álemdik shahmat kartasynda oıyp oryn aldy, ony Halyqaralyq shahmat federasııasyndaǵy áriptesterimiz de atap ótti. Qazaqstan birneshe ret ártúrli Álem, Azııa chempıonattarynyń, Shahmat táji úshin match sııaqty mańyzdy oqıǵalardyń ortalyǵyna aınaldy. QShF shahmatty tanymal etýge baǵyttalǵan birqatar jobalardy iske asyrýda údemeli jumystar atqardy. Bizdiń rebrendıng – bul bizdiń óz aldymyzǵa órshil mindetter qoıǵan jańa kezeńniń beınesi. Mysaly, «Mekteptegi shahmat» jobasy aıasynda biz úkimetpen, ákimdiktermen birlese otyryp, 5 jyl ishinde bastaýysh synyp balalarynyń 20%-na deıin qamtýdy josparlap otyrmyz. Bul eldegi shahmattyń damýyna úlken serpin beredi jáne zııatkerlik ulttyń qalyptasýyna qosylǵan úlken úles bolady», dedi QShF birinshi vıse-prezıdenti, Azııa shahmat federasııasynyń vıse-prezıdenti Dármen Sádýaqasov.
Tımýr Týrlovtyń aıtýynsha, federasııa kezeń-kezeńimen aýqymdy sharalar keshenin júzege asyryp jatyr
«Jalpy rebrendıngtiń aýqymyna tek kórneki beıneler ǵana jasyrylmaǵan, oǵan QShF jumysyndaǵy júıeli ózgerister, sondaı-aq bizdiń jumysymyzdyń odan arǵy josparlary da kiredi. Osy turǵyda bizdiń federasııamyz kezeń-kezeńimen aýqymdy sharalar keshenin júzege asyryp jatyr. Solardyń biri – fılıaldyq jelini damytý. Bul biz jyldamdatýdy kózdeıtin óte mańyzdy másele. Al osy fılıaldar jergilikti jerlerde túrli baǵdarlamalardy iske asyrý kezinde jumystyń negizgi quralyna aınalýy tıis», dep qosty QShF prezıdenti Tımýr Týrlov.
QShF prezıdentiniń aıtýynsha, fılıaldyq jelini damytýdyń mańyzdy qozǵaýshy kúshi Respýblıkalyq «Shahmat kerýeni» jobasy bolýy tıis, atalmysh jobanyń iske qosylýy da baspasóz máslıhaty barysynda jarııalandy.
«Shahmat kerýeni» – Qazaqstannyń barlyq óńirlerinde shahmat sportyn nasıhattaýǵa baǵyttalǵan órshil joba. Jobany ázirleýde shabyttandyrǵan Uly Jibek joly boldy, óıtkeni ol búkil álem boıynsha saýda-sattyqpen qatar ártúrli halyqtardyń mádenı jáne sporttyq muralaryn alyp júrdi. Qazaqstan aýmaǵyndaǵy qalalarda «Shahmat kerýenin» uıymdastyra otyryp, Federasııa bas seriktes Freedom Broker-diń qoldaýymen óńirlerde shahmat sportyn nyǵaıtýǵa jáne fılıaldardyń senimdi jelisin qurýǵa umtylady», dep bólisti QShF atqarýshy dırektory Gúlmıra Dáýletova.
«Shahmat kerýeni» aıasynda Qazaqstan Respýblıkasynyń 20 qalasynda blıs boıynsha ashyq shaǵyn týrnırler ótedi, onyń sharyqtaý shegi iri júlde qory tigilgen grand-fınal bolady. О́ńirlik týrnırler 12 qyrkúıekte Kókshetaýda, 14 qyrkúıekte Petropavlda, 18 qyrkúıekte Qostanaıda, 21 qyrkúıekte Qaraǵandyda, 24 qyrkúıekte Pavlodarda, 26 qyrkúıekte Semeıde, 28 qyrkúıekte О́skemende, 2 qazanda Taldyqorǵanda, 4 qazanda Qonaevta, 7 qazanda Tarazda, 9 qazanda Shymkentte, 11 qazanda Túrkistanda, 13 qazanda Qyzylordada, 18 qazanda Jezqazǵanda, 22 qazanda Aqtóbede, 25 qazanda Oralda, 28 qazanda Atyraýda jáne 2 qarashada Aqtaýda ótedi. О́ńirlik kezeńderdiń jeńimpazdary 10 qarashada Túrkistan qalasynda ótetin grand-fınalda kezdesedi.
Respýblıkalyq týrnırdiń kestesi:
- Kókshetaý - 12.09;
- Petropavl - 14.09;
- Qostanaı - 11.10;
- Qaraǵandy - 21.09;
- Pavlodar - 24.09;
- Semeı - 26.09;
- О́skemen - 28.09;
- Taldyqorǵan - 02.10;
- Qonaev - 04.10;
- Taraz - 07.10;
- Shymkent - 09.10;
- Túrkistan - 11.10;
- Qyzylorda - 13.10;
- Jezqazǵan - 18.10;
- Aqtóbe - 22.10;
- Oral - 25.10;
- Atyraý - 28.10;
- Aqtaý - 02.10;
- Túrkistan (fınal) - 10.11.
