Oblys ákiminiń orynbasary Qanatbek Mádibektiń aıtýynsha, elorda tórinde ótken aýyl sharýashylyǵy taýarlary jármeńkesine oblys ortalyǵy Taraz qalasy men óńirdegi 10 aýdannyń taýar óndirýshileri belsene qatysyp, 298,8 tonna aýyl sharýashylyǵy ónimin ákelgen.
«Jyldaǵydaı qalyptysqan dástúr boıynsha Atyraý oblysynyń azamattarynan keıin jambyldyq aýyl sharýashylyǵy taýar óndirýshileri de elordaǵa at basyn burdy. Jármeńkege óńirdegi barlyq aýdannyń qatysqanyn aıta ketken jón.
Astanadaǵy jármeńkege barlyq sharýalarmen qatar, 2019 jyly bastalǵan «Jambyl oblysy turǵyndarynyń turmystyq tabysyn jaqsartý» qanatqaqty jobasy aıasynda qurylǵan aýyl sharýashylyǵy taýar óndirýshi kooperatıvteri men óz kásibin ashqan jeke kásipkerler jumyldyryldy. Olar jalpy somasy 168,6 mln teńgeni quraıtyn aýyl sharýashylyǵy ónimin ákelgen.
Naqtyraq aıtsaq, 33 tonna et ónimderi (jylqy, sıyr, qoı eti), 3,2 tonna taýyq eti, 4,0 tonna shujyq, 14,0 tonna sút ónimderi, 6 myń dana jumyrtqa, 1,0 tonna kondıterlik ónimder, 3,4 tonna makaron, 10,0 tonna balyq, 5,0 tonna bal, 208 tonnadan astam kókónis-baqsha jáne jemis-jıdek ónimi astanalyqtarǵa tıimdi baǵamen ótkerildi», deıdi Q. Mádibek.
Aýyl sharýashylyǵy taýar óndirýshileriniń jármeńkesine óńir basshysy Erbol Qarashókeev arnaıy qatysty. Jármeńke barysynda jambyldyq ónerpazdar elordalyq turǵyndarǵa ánnen shashý shashyp, konserttik baǵdarlamasyn usyndy.
