foto: https://news.sky.com
Ǵalymnyń qaıtys bolǵany týraly áriptesteri habarlady.
«Professor Ien Ýılmýttyń qaıtys bolǵany týraly habardy estip, qatty qaıǵyrdyq. Ol Dollı qoıyn eresek jasýshadan klondaǵan ǵalym edi. Ien Ýılmýt sol kezdegi ǵylymǵa jańasha kózqaras ákeldi. Bul jańalyq regeneratıvti medısına salasyndaǵy ózgeristerge áli kúnge deıin óz septigin tıgizip keledi», dedi ǵalymnyń áriptesteri.
Aıta keteıik, Dollıdi «dúnıege ákelý» úshin donor-qoıdyń jelinen alynǵan ıadrolar 277 analyq jasýshaǵa tasymaldandy. Olardan keıin 29 embrıon paıda bolyp, tek bireýi, ıaǵnı Dollı ǵana aman qalǵan. Osy jasýshadan anasyna aına-qatesiz uqsaǵan jańa aǵza paıda boldy. Osy ádispen «týǵan» qoıdy ınjenerler Dollı dep atady. Osylaısha ol – klondaý ádisimen paıda bolǵan alǵashqy sútqorekti boldy.
Budan soń Ien Ýılmýt klondaý ádisi arqyly jer betindegi tirshilik ıeleriniń joıylyp ketpeıtinine senim bildirdi.
Aıta keteıik, Ien Ýılmýt 2012 jyly Edınbýrg ýnıversıtetindegi qyzmetinen ketken. Alty jyldan keıin oǵan «Parkınson aýrýy» dıagnozy qoıyldy.
