Foto: web.telegram.org
Zań jobasy boıynsha Ulttyq ekonomıka vıse-mınıstri Azamat Ámrın baıandama jasap, kepildik berilgen transfert mólsheri 2024 jyly barreline 43,4 AQSh dollaryn, odan keıingi jyldary barreline 40,2-41,8 AQSh dollaryn quraıtyn bıýdjettik erejelerge sáıkes kesimdi baǵamen anyqtalatynyn aıtty.
«Ulttyq qordan kepildendirilgen transfert jyl saıyn 2 trln teńge mólsherinde aıqyndaldy. Sondaı-aq Ulttyq qor parametrlerinde 2024 jylǵy 1 qańtardan bastap iske asyrylatyn «Ulttyq qor balalarǵa» jańa áleýmettik baǵdarlamasy boıynsha balalarǵa tólemder mindettemeleri eskerildi», dedi A.Ámrın.
Ulttyq qordyń valıýtalyq aktıvteri 2024 jyly 68 mlrd AQSh dollary, 2025-2026 jyldary 80,7-93,3 mlrd AQSh dollary deńgeıinde boljanyp otyr.
Májilistiń málimetinshe, osy zań jobasy boıynsha jumys tobyna Qarjy jáne bıýdjet komıtetiniń múshesi Marhabat Jaıymbetov jetekshilik etedi. Otyrys barysynda aıtylǵan usynys-pikirler odan ári talqylanyp, qarastyrylady.
