Foto: gov.kz
Búginde joǵary oqý ornyna UBT tapsyrmaı túsý múmkindigin 604 jas paıdalandy. Máselen, Ál-Farabı atyndaǵy Qazaq ulttyq ýnıversıtetine – 19, L.N.Gýmılev atyndaǵy Eýrazııa ulttyq ýnıversıtetine – 17, M.Áýezov atyndaǵy Ońtústik Qazaqstan ýnıversıtetine – 15, S.Toraıǵyrov ýnıversıtetine – 10 azamat tegin oqýǵa túsken.
Aqyly negizde UBT-ny esepke almaǵanda A.Myrzahmetov atyndaǵy Kókshetaý ýnıversıtetine – 73, Toraıǵyrov ýnıversıtetine – 45, Sh.Murtaza atyndaǵy Taraz halyqaralyq ınnovasııalyq ınstıtýtyna – 51, Qorqyt ata atyndaǵy Qyzylorda ýnıversıtetine – 35 adam oqýǵa tústi.
Atalǵan faktorlardy eskere kele, Qorǵanys mınıstrligi stýdentterdiń bul sanatyn jataqhanamen jáne shákirtaqymen qamtamasyz ete otyryp, granttar berý prosesin zańnamalyq retteý jumystaryn júrgizip jatyr.
Eske sala keteıik, áskerı qyzmetshilerdi tegin oqýǵa irikteý Qorǵanys mınıstrliginiń portalynda ornalasqan «Srochnıkı 2.0» aqparattyq júıesi arqyly júrgiziledi. Qazirgi ýaqytta bul resýrsta 38 316 merzimdi qyzmet sarbazy tirkelgen.
2022 jyldyń kúzinde áskerge shaqyrylǵan 13 805 áskerı qyzmetshiniń baǵalaý kórsetkishterin engizý boıynsha josparly jumys júrgizilip jatyr. Olar úshin kvotalardy bólý osy jyldyń qazan-qarasha aılaryna josparlanǵan. Sonymen birge 2023 jyldyń kókteminde áskerge shaqyrylǵan sarbazdardy da tirkeý júrip jatyr. Qazirgi ýaqytta 11 948-den astam adam tirkelgen.
Qorǵanys mınıstrligi jobany odan ári tanymal etý maqsatynda aıtarlyqtaı jumystar júrgizip jatyr. Máselen, jastardyń jeke josparlary men áskerdiń róli týraly beınerolıkter daıyndaldy.
Osyndaı saýalnamadan Astana IT University-niń birinshi kýrs stýdentteri Aıdar Naýsha, Ámir Qaıyrov jáne Ádilet Qudashev ótti. Olar – joǵary oqý oryndarynda tegin bilim alý sertıfıkattaryn ıelengen azamattar. Aıdar Naýsha Qarýly kúshterdiń Áýe shabýylyna qarsy qorǵanys áskerlerinde qyzmet etti. Qazirgi ýaqytta «medıa-tehnologııalar» baǵyty boıynsha bilim alyp jatyr.
Ýnıversıtet bazasyndaǵy áskerı kafedra eldiń jumyldyrý rezervin tolyqtyrý úshin zapastaǵy ofıserler men serjanttardy daıyndaıdy. Oqý kezinde úsheýi de áskerı kafedrada oqyp, zapastaǵy ofıser bolýǵa nıet bildirgen.
Qazirgi ýaqytta Qorǵanys mınıstrliginen basqa bul jobaǵa Ulttyq ulan men Memlekettik kúzet qyzmeti de qatysady. Keleshekte UQK Shekara qyzmeti men Tótenshe jaǵdaılar mınıstrligi de «Srochnıkı 2.0» júıesine qosylatynyn aıta ketý kerek.
Sertıfıkattyń bar-joǵyn tekserý úshin «Izdeý» bólimindegi «Srochnıkı 2.0» júıesine óz derekterińizdi, ıaǵnı «tegińizdi, atyńyzdy, ákeńizdiń atyn engizip», «tabý» opsııasyn basý qajet.
Esterińizge sala keteıik, jastar bul sertıfıkatty eki jyl boıy paıdalana alady.
