Logıstıkalyq kompanııalarmen baılanys

Qujatta birneshe baǵyttaǵy is-sharalar júıe­lengen. Olar kompanııa qurylymyndaǵy ózge­ris­terge, sıfrlandyrýǵa, jańa ónimder men qyz­met­ter­di qalyptastyrýǵa jáne kompanııanyń qatysý geografııasyn keńeıtýge qatysty is-sharalardan turady. 

Ulttyq kompanııa strategııalyq maqsattardy júzege asyrý úshin logıs­tıkalyq blokty kúsheıtip, kólik logıstıkasynyń quzyretti orta­lyǵy men mýltımodaldy tasy­maldaý departamentin qaı­ta qurdy. Sonyń negizinde temirjol ákim­shi­lik­­terimen jáne iri ha­lyqaralyq kólik-lo­gıs­tı­ka­­lyq kompanııa­larmen kelissózder júr­gizildi. Sóı­tip, Logıs­tı­kalyq kompanııalarmen (ADP, DB, Shandong Port Group) yntymaqtastyq týraly memorandýmdarǵa qol qoıyldy. 

Búgingi tańda Qazaqstanda saýda toraptaryn qurý máseleleri pysyqtalý ústinde. Sondaı-aq jańa quzyret ortalyqtaryn qa­lyp­tastyrý bo­ıynsha da ju­mys­tar jalǵasyn taýyp jatyr. Oǵan qosa keleshekte Qytaı men Eýropa aýmaqtarynda logıstıkalyq qyzmet kórsetý úshin ulttyq kompanııa bólimshelerin ashý josparlanyp otyr. Bul is-sharalar elimiz arqyly ótetin tranzıttik júkterdi qaıta baǵdarlaýǵa mol múm­kindik beredi. 

Qazirgi kúnde kompanııa bıznes-úderisterdi sıfrlandyrý máselesine erekshe nazar aýdaryp otyr. Soǵan oraı PSA International jetekshi trans­ulttyq logıstıkalyq kompanııasymen birle­sip, «Qazaqstan temir joly» ulttyq kompanııasy aq­pa­rattyq júıelerin jáne Calista jetkizý tizbegin basqarýǵa arnalǵan sıngapýrlyq onlaın platformasyn biriktirý jumystaryn júrgizip jatyr. Sıfrlyq sheshimdi Transkaspıı halyqaralyq kólik baǵdarynda da qoldaný josparda bar. Bul jańa júıe tutynýshylar úshin sapaly ári yńǵaıly qyzmet túrin kórsetip, halyqaralyq tasymaldaýshylar úshin baǵyttyń tartymdylyǵyn arttyrady degen úmit zor.

Al «Huawei» kompanııasy  men «Qazaqstan temir joly» ulttyq kompanııasy arasynda sıfrlandyrýdy damytý týraly memorandýmǵa qol qoıýy kompanııanyń jedel damýyna jol ashady.