https://web.telegram.org/
Halyqaralyq ister, qorǵanys jáne qaýipsizdik komıtetiniń tóraıymy Aıgúl Quspan jetekshilik etken jıynda talqylaýǵa usynylǵan zań jobasyn Májilis 1 qyrkúıek kúni qabyldaǵan bolatyn. Joba júzege assa, Qazaqstanǵa óńirishilik saýdany damytýǵa, shaǵyn jáne orta bıznes jobalaryn qarjylandyrýǵa, kólik jáne logıstıka, ónerkásiptik óndiristi, ınfraqurylymdy, aýyl sharýashylyǵyn, týrızm taǵy basqa salalardy qoldaýǵa baǵyttalmaq.
Ulttyq ekonomıka vıse-mınıstri Abzal Ábdikárimov Túrki ınvestısııalyq qory – túrki áleminiń ekonomıkalyq ıntegrasııasynyń alǵashqy birlesken qarjy ınstıtýty ekenin jetkizdi. Ol mınıstrlik ekonomıkanyń ozyq sektorlaryna ınvestısııa tartý úshin Túrki memleketteri uıymy aıasynda belsendi jumys istep jatqanyn aıtty. «Qordy qurý bastamasyna kezinde Ázerbaıjan Respýblıkasy uıytqy boldy. 2021 jyly uıymnyń beıresmı sammıtinde Memleket basshysy teń kapıtaldy, teń daýys quqyǵy qaǵıdatyna sáıkes jumysty jedeldetý qajettigin atap ótti. Osylaısha bıyl naýryzda Túrki memleketteri uıymyna múshe elder basshylary keńesiniń tótenshe sammıti aıasynda Qordy qurý týraly kelisimge qol qoıyldy», dedi vıse-mınıstr.
Qor qurylsa, Túrki memleketteri uıymy elderiniń saýda-ınvestısııalyq qatynastarynyń damýyna serpin beredi.
