Foto: Mádenıet jáne aqparat mınıstrligi
Halyqaralyq Sammıt eki jylda bir ret ótkiziledi jáne saıasatkerler, sarapshylar, din, bıznes, ǵylym men BAQ ókilderi demografııa, otbasy ınstıtýtyna áser etetin negizgi máselelerdi talqylaıtyn alań sanalady.
Bıylǵy is-sharaǵa 60 eldiń ókilderi qatysty. Majarstan tarapynyń shaqyrýymen sammıt jumysyna Qazaqstan Respýblıkasynyń Mádenıet jáne aqparat mınıstri, Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy A.Ǵ. Balaeva qatysty. Mınıstr Majarstan, Katar, Túrkııa, Serbııa, Slovenııa, Marokko, Ekvador jáne basqa da birqatar elderdiń ókilderimen birge mınıstrlerdiń ınteraktıvti paneldik sessııasynda sóz sóıledi.
Aıda Balaeva óz sózinde: «Jas urpaq dál osy otbasylyq ınstıtýty qundylyqtaryn, súıispenshilik pen qamqorlyqty sińiredi, sonyń arqasynda jastar bolashaqta óz shańyraǵyn kóterý úshin ózderin qaýipsiz ári myqty sezine alady. Qazaqstan – kóp etnosty memleket. Elde 100-den astam etnos pen 18 dinı konfessııa ókilderi turady. Qazaqstan - jastardyń eli, qazaqstandyqtardyń ortasha jasy – 32 jas. Jastar halyqtyń 30%-n quraıdy. Demograftar táýekelderge toqtalady, dese de biz memlekettegi jastyqtyń energııasyn damý múmkindikterine aınaldyrý úshin qoldan kelgenniń bárin salamyz. Buǵan Qazaqstan Prezıdenti Qasym-Jomart Toqaev barynsha nazar salyp otyr», dep memlekettiń turaqty damýy úshin otbasy ınstıtýtynyń mańyzdylyǵyna toqtaldy.
Sonymen qatar mınıstr Qazaqstannyń otbasylyq-demografııalyq saıasatyn qalyptastyrýdyń ınstıtýsıonaldyq negizderin, onyń ishinde reformalar men áleýmettik qoldaý júıesin damytý týraly egjeı-tegjeıli aıtyp berdi. Sondaı-aq balalardy tárbıeleý prosesine eleýli áser etetin problemalarǵa toqtalyp, olardy Qazaqstanda sheshý boıynsha qabyldanyp jatqan sharalar týraly aıtty. Balalardy tárbıeleý prosesine tikeleı áser etetin problemalarǵa toqtalyp, Qazaqstan jaǵdaıynda sheshý jolyndaǵy qabyldanyp jatqan sharalardy baıandady.
Aıda Balaeva kelesi Sammıtte jańa medıanyń qundylyq baǵdarlaryn qalyptastyrýǵa áseri jáne zamanaýı syn-qaterlerdiń aldyn alýdaǵy otbasynyń rólin arttyrý taqyryptaryn talqylaýdy usyndy. Mınıstrdiń aıtýynsha, bul faktorlar Sammıt spıkerlerinen birneshe ret estilip, nazar aýdarýdy qajet etedi.
Sammıt aıasynda Vengrııanyń mádenıet jáne ınnovasııalar mınıstri Iа. Chakpen jáne Ázirbaıjan Ulttyq Jınalysynyń tóraǵasy S.Gafarovamen ekijaqty kezdesýler ótti.
Taraptar ekijaqty yntymaqtastyq máselelerin talqylap, eki eldiń otbasylyq-demografııalyq sala men mádenı-gýmanıtarlyq qatynastar salasyndaǵy ózara is-qımylyn arttyrýǵa ýaǵdalasty.
