14-15 qyrkúıekte Taraz qalasyndaǵy Ark MS qonaqúıiniń májilis zalynda din máseleri boıynsha bilikti mamandardy daıyndaýǵa baǵyttalǵan is-shara ótti. Oǵan «Din zertteý ortalyǵynyń», «Aqnıet» QQ mamandary, ımamdar, psıhologtar, teologtar qatysty. Jıynda din máseleleri boıynsha túsindirý tobynyń músheleri – rıtorıka mamany Amanbek Tolqyn, neırolıngvıstıkalyq baǵdarlamalaý mamany, psıholog Seıtqalı Mırzada Shahmanuly, teologııa mamany, PhD doktory Botaqaraev Baýyrjan, dintanýshy, Nur-Múbarak Egıpet ıslam mádenıeti ýnıversıteti, dintaný kafedrasynyń dosenti, PhD Abylov Tuńǵysh Talǵatuly semınar oqydy.
Amanbek Tolqyn «Rıtorıka. Kópshilik aldynda sóıleý daǵdylaryn meńgerý» taqyrybymen qatysýshylarǵa adam boıyndaǵy jasqanshaqtyqty joıý, daýystyń yrǵaǵy, tembri, ıntonasııany durys qoldaný, ekpindi durys qoıý, durys tynys alý mańyzdylyǵyn atap ótti. Sonymen qatar «Dıksııany jaqsartýǵa arnalǵan quraldar» taqyryby aıasynda oratorlyq sheberlikti damytýǵa baǵyttalǵan arnaıy jattyǵýlar men ádisterdi kórsetip, trenıng ótkizdi.
Botaqaraev Baýyrjan «Dindarlyq pen dinshildiktiń psıhologııalyq erekshelikteri» taqyrybynda jalpy teorııalyq aqparat berip, qatysýshylarmen jumys istedi. Sondaı-aq «Qazaqstannyń qazirgi dinı ahýaly» taqyrybynda ótken dáriste Qazaqstandaǵy dinı jaǵdaılardy túsindire otyra, oǵan qatysty kúrdeli suraqtarǵa jaýap berý ádisterin úıretti.
Seıitqalı Mırzada Shahmanuly «Vlııanıe detskıh travm jıznedeıatelnost lıchnostı» taqyryby aıasynda qatysýshylarǵa kúrdeli problemalar men asqynyp turǵan máselelerdi túsindire otyra, ıslam áleminiń birligi jolynda turǵan negizgi kedergiler jáne onymen kúres joly jaıynda aıta ketti. Onyń ústine, «Boleznı EGO ı pýtı ıh ızlechenııa» taqyrybymen mamandarǵa jumys barysynda jaǵdaıdyń kúrdelenýine jol bermeý tásilderi men ońaltý qaǵıdalary týraly sóz qozǵady.
Abylov Tuńǵysh Talǵatuly «Dindarlyq áleýmettik-psıhologııalyq fenomen retinde» taqyrybynda kezdesip, dinı sananyń erekshelikterin, dindarlyqtyń qurylymyn, jeke tulǵanyń jáne qoǵamnyń dinı damý aıyrmashylyqtaryn túsindirdi. Kelesi kezekte, «Qazaqstandaǵy táńirshildik: tarıhy jáne qazirgi jaǵdaıy» taqyrybynda semınar oqyp, jalpy túrik halqynyń dinı-nanym ustanymy jáne onyń tarıhy, táńirshildik iliminiń jaǵdaıy týraly aıtty.
Sonymen qatar semınarlar men trenıngter barysynda qatysýshylar dáriskerlerge suraqtar qoıyp, tıisti jaýap aldy.
