Baı-qýattylardyń tizimin Jerar Goý bastap tur. Kot-d’Ivýardan kelgen shabýylshynyń 2014-2017 jyldary Almatynyń «Qaıratynda» óner kórsetken kezdegi bir aılyq jalaqysy 160,5 myń dollardy quraǵan eken. «Qaırattyń» sapynda ol 102 ret jasyl alańǵa shyǵyp, 80 gol soqty. Keıinnen Goý Qytaıdyń «Beıszın Enterpraızes» jáne Túrkııanyń «Kasympashasynda» oınady. 2022 jyly qaıta Qazaqstanǵa oralyp, «Aqtóbeniń» jeıdesin kıdi. Qazir afrıkalyq fýtbolshy óz mansabyn aıaqtady.
Ekinshi orynda – Andreı Arshavın. Reseı fýtbolynyń juldyzy aıyna 120 myń dollar jalaqy aldy. 2016-2018 jyldary «Shava» 84 matchta 24 márte mergendik tanytty. Úshinshi satyǵa Vagner Lav jaıǵasty. Kezinde Brazılııanyń jastar jáne ulttyq quramasy sapynda oınaǵan shabýylshy 2020-2021 jyldary Qazaqstan Premer-lıgasynda 35 kezdesý ótkizip, 14 ret nysanany dál kózdedi. Lavtyń jalaqysy – 100 myń dollar. Bul oıynshylardyń barlyǵy da «Qaırattyń» namysyn qorǵady.
Sondaı-aq eń kóp jalaqy alǵandardyń qatarynda Anatolıı Tımoshýk (Ýkraına, «Qaırat». Aılyǵy – 91,7 myń dollar), Markos Pızzellı (Armenııa, «Aqtóbe». $75 myń), Danılo Neko (Brazılııa, «Aqtóbe». $71,7 myń), Anderson Santana (Brazılııa, «Aqtóbe». $61 myń), Danılo Sırıno (Brazılııa, «Aqtóbe». $61 myń), Marın Tomasov (Horvatııa, «Astana». $60 myń), Jýnıor Kabananga (Kongo, «Astana». $60 myń) jáne Baýyrjan Islamhan (Qazaqstan, «Astana». $60 myń) syndy aıaqdop sheberleri bar.
