Foto: ashyq derekkóz
Qazaqstan sportshylary 30 sport túrinen 305 medaldi sarapqa salady. Qazaqstan quramasy Azııa oıyndaryna 1994 jyldan beri qatysyp keledi.
«Qazaqstan Hanchjoýǵa sporttyń 30 túrinen 525 sportshyny jetkizedi. Onyń 27-si Olımpıada baǵdarlamasyna engen, qalǵan úsheýi olımpıadalyq emes sport túrleri. Sondaı-aq aldaǵy jarysta 8 sport túri boıynsha Parıj Olımpıadasyna joldama sarapqa salynady. Olar: boks, sadaq atý, zamanaýı bessaıys, júzý, breık, dopty hokkeı, tennıs jáne jeńil atletıka. Sporttyń 4 túrinen reıtıngtik upaılar oıynyna qatysady. Olar: thekvondo, dzıýdo, trıatlon, badmınton», delingen vedomstvo habarlamasynda.
Azııa oıyndarynyń ashylý saltanaty 23 qyrkúıekte Olımpıadalyq sport ortalyǵynyń stadıonynda ótedi. Jarysqa qurlyqtyń 45 elinen 15 myńnan astam sportshy qatysady. Olar sporttyń 40 túrinen 481 medal jıyntyǵy úshin kúresedi.
