https://polisia.kz/
«Qostanaı oblysy PD patrýldik polısııa rotasynyń qyzmetkerleri esirtki qylmysyna qarsy is-qımyl basqarmasymen birlesip Soltústik Qazaqstan jáne Qostanaı oblystarynyń aýmaǵynda esirtki zattaryn taratqan 26 jastaǵy kúdiktini ustady. Qostanaı oblysy PD esirtki qylmysyna qarsy is-qımyl basqarmasynyń bastyǵy Nurjan Ahmetovtyń aıtýynsha, oblys ortalyǵynyń turǵyny salmaǵy shamamen 1 keli bolatyn esirtkiniń asa iri partııasy – gashıshti tasymaldaý kezinde ustalǵan. Qazirgi ýaqytta polısııa QR QK-niń 297-baby 3-bóligi boıynsha (Esirtki, psıhotroptyq zattardy, olardyń analogtaryn jóneltý nemese ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý) boıynsha sotqa deıingi tergep-tekserýdi bastady. Baptyń sanksııasy múlikti tárkileý arqyly 15 jylǵa deıin bas bostandyǵynan aıyrýdy kózdeıdi. Qazirgi ýaqytta Qostanaı oblysynyń aýmaǵynda esirtki quraldaryn jetkizý jáne taratý arnasyn uıymdastyrýǵa qatysy bar adamdardy anyqtaý boıynsha jedel-izdestirý jáne tergeý is-sharalary júrgizilip jatyr», delingen habarlamada.
Bıylǵy jyldyń toǵyz aıynda polısııa qyzmetkerleri ábjil áreket etýdiń nátıjesinde 329 keli esirtki zattaryn zańsyz aınalymnan tárkiledi.
