Darhan Qýandyquly 1974 jyly 16 sáýirde Túrkistan oblysyna qarasty Túlkibas aýdanynda dúnıege kelgen.
Eńbek jolyn 2001-2005 jyldar aralyǵynda Q.A.Iаsaýı atyndaǵy Halyqaralyq qazaq-túrik ýnıversıtetinde aǵa ǵylymı qyzmetker, ǵalym-hatshy, kafedra meńgerýshisi, apparat jetekshisi, jetekshi ǵylymı qyzmetker bolyp bastaǵan.
2005-2006 jyldary - L.N.Gýmılev atyndaǵy Eýrazııa ulttyq ýnıversıtetinde dosent, aǵa ǵylymı qyzmetker.
2006-2007 jyldary - Qazaqstan Respýblıkasy Prezıdenttik mádenıet ortalyǵynda dırektordyń orynbasary.
2007-2008 jyldary - Qazaqstan Respýblıkasy Bilim jáne ǵylym mınıstrliginde mınıstrdiń keńesshisi.
2008-2009 jyldary Qazaqstan Respýblıkasy Prezıdenti Ákimshiliginde sarapshy, sektor meńgerýshisi retinde qyzmet atqarǵan.
2009-2012 jyldar arasynda Qazaqstan Respýblıkasy Prezıdenti Baspasóz hatshysynyń orynbasary bolǵan.
2012 - 2014 jyldary Túrki keńesi Bas hatshysynyń orynbasary bolyp qyzmet atqardy.
2014 jyldan bastap Halyqaralyq túrki akademııasynyń prezıdenti.
2015 jylǵy 29 maýsymnan Túrki álemi Ulttyq ǵylym akademııalar odaǵy Hatshylyǵynyń basshysy qyzmetin qosa atqardy jáne atalǵan odaqtyń uıymdastyrýshysy.
2015 jyly IýNESKO-nyń Parıjdegi shtab-páterinde «Qorqyt murasy jáne Túrki álemi» atty halyqaralyq mádenı sharany, 2016 jyly Nıý-Iork qalasyndaǵy Birikken Ulttar uıymynyń shtab-páterinde «2030 Jospary úshin Jibek joly boıyndaǵy jańa sınergııa» atty halyqaralyq sımpozıýmdy, jáne 2018 jyly «Rýhanı jańǵyrý jáne mádenı mura: qadymnan keleshekke túrki tili» halyqaralyq mádenı is-sharalaryn uıymdastyrdy.
2016 jyly «Egemen Qazaqstan» respýblıkalyq gazeti» aksıonerlik qoǵamynyń Basqarma tóraǵasy bolyp taǵaıyndaldy.
2018 jyldyń qyrkúıeginde Halyqaralyq Túrki akademııasynyń prezıdenti laýazymyna ekinshi merzimge taǵaıyndaldy.
2022 jyldyń qyrkúıeginen 2023 jyldyń qyrkúıegine deıin Qazaqstan Respýblıkasy Aqparat jáne qoǵamdyq damý mınıstri bolyp qyzmet atqardy.
