«Alem saz» II Halyqaralyq mýzyka festıvali aldaǵy kúz mezgiliniń eń mańyzdy mádenı sharalarynyń birine aınalǵaly otyr.
Mádenıet jáne aqparat mınıstrligi jáne Syrtqy ister mınıstrliginiń qoldaýymen, sondaı-aq Roza Baǵlanova atyndaǵy «Qazaqkonsert» memlekettik konserttik uıymynynyń qolǵa alýymen ótetin festıval elordada 27 qyrkúıek pen 3 qazan aralyǵynda ótedi.
Oǵan Qazaqstan, Túrkııa, Japonııa, Majarstan, Germanııa, Pákistan, Ispanııa jáne Reseıdiń eń úzdik ónerpazdary qatysady.
Aıta keteıik, «Alem saz» – álem elderi mádenıetin shyǵarmashylyq yntymaqtastyq arqyly bir platformada biriktirýge arnalǵan halyqaralyq festıval. Joba ulttar mádenıetin toǵystyrý, saqtaý jáne damytý, álem elderiniń tarıhı muralary men mádenı qundylyqtaryna qurmetpen qaraýǵa negizdelgen. Halyqaralyq mýzyka festıvali elaralyq dostyq baılanystardy keńeıtý men nyǵaıtýǵa jáne óner salasyndaǵy halyqaralyq yntymaqtastyqty damytýǵa arnalǵan. Festıval baǵdarlamasynda sheteldik ártisterdiń konsertteri, kınokórsetilimder, sándik-qoldanbaly óner kórmesi jáne sheberlik sabaqtaryn ótkizý josparlanǵan.
