Foto: ashyq derekkóz
Rıdder qalasynyń ákimi Dáýlet Batyrbaevtyń aıtýynsha,№3 qazandyq óz jumysyn bastady. Ol qazandyq mazýt qospasy arqyly iske qosyldy.
Ekrandar, qyzdyrǵyshtar jáne qubyrlar jańa bolǵandyqtan, bul kóp ýaqytty qajet etpeıdi.
Júıe jylynǵannan keıin qalaǵa, birinshi kezekte áleýmettik mańyzy bar nysandarǵa – balabaqshalarǵa, mektepterge, aýrýhanalarǵa ystyq sý berile bastaıdy.
Sýyq aýa raıynyń bastalýymen sáıkes temperatýralyq rejım ornatylǵan kezde jylý berile bastaıdy, eń aldymen áleýmettik mańyzy bar nysandar qosylady.
Senimdi basqarýshy, Rıdder qalasynyń «Vodokanal» memlekettik kásipornynyń basshysy Konstantın Hannyń aıtýynsha, kelesi aptada taǵy bir qazandyq – ortasha qysymdy №1 qazandyq blogyn iske qosý josparda bar. Al odan keıin úshinshi qazandyq – №2 qazandyq iske qosylady.
