Foto: ashyq derekkóz
Batys Qazaqstan oblysynyń orman sharýashylyǵy men janýarlar dúnıesin qorǵaý ınspeksııasynyń basshysy Nurlan Rahymjanovtyń aıtýynsha, Jańaqala aýdanyndaǵy «Izdenis» JShS jáne Aqjaıyq aýdanyndaǵy «Batys-NYK» seriktestikteri aqbóken etin halyqqa zańdy túrde satatyn bolady.
Nurlan Rahymjanov Batys Qazaqstandaǵy Jáńgir han atyndaǵy agrotehnıkalyq ýnıversıteti daıyndaǵan bıologııalyq negizdemege sáıkes, óńirdegi kıikterdiń sany 500-560 myńnan aspaýy tıis ekenin atap ótti. Búginde olardyń sany 1 mıllıon 800 myńdy quraıdy.
Kıikterdiń kóbeıýi jaıylymdyq jerlerge zııan keltirip, ekologııalyq jaǵdaıǵa keri áserin tıgizýi múmkin. Sondyqtan sandy retteý úshin birqatar daıyndyq jumystary júrgizilip jatyr. 19 qyrkúıekte Ekologııa jáne tabıǵı resýrstar mınıstrligi kıikterdi retteýge jatatyn janýarlar qataryna qosý týraly qaýly shyǵardy.