Foto: gov.kz
Stend atý: Sapynda Ásem Orynbaı, Zoıa Kravchenko jáne Olga Panarına bar Qazaqstannyń áıelder komandasy skıt baǵdarlamasynda altyn medal jeńip alyp, Azııa oıyndarynda rekord (350 ball) jasady. Al jekeleı synda Ásem Orynbaı qola júldege ıe boldy.
Júzý: Vatterflıaı ádisimen (100 metr) júzýdiń fınaldyq kezeńinde Ádilbek Mýsın 51.86 sekýndta márege jetip, qola medal enshiledi.
Ý-shý sanda: 52 kelige deıingi salmaq dárejesinde óner kórsetken Aıan Tursyn qola júldege ıe boldy.
Boks: Eki dúrkin álem chempıony Nazym Qyzaıbaı (50 kg) Nepaldan kelgen qarsylasy Sýsma Tamangty – 5:0 esebimen aıqyn basymdyqpen utty, al Saǵyndyq Toǵambaı mońǵolııalyq Barıahaan Dorjdy ekinshi raýndta merziminen buryn jeńdi. Keshki sessııada Ertýǵan Zeınýllınov (63,5 kg) Tájikstannan kelgen boksshy Bahodýr Ýsmonovty 3:2 esebimen tize búktirdi.
Tennıs: Aralas jupta Jibek Qulambaeva men Grıgorıı Lomakın 32 mınýt ishinde Tájikstannan kelgen qarsylastaryn 6:0, 6:1 esebimen jeńip, jarystyń kelesi kezeńine shyqty.
3x3 basketbol: Qazaqstannyń áıelder komandasy Nepal quramasyn 17:10 esebimen jeńdi.
Gandbol: Qazaqstan áıelder komandasy toptyq irikteý kezeńinde О́zbekstan quramasyn 37:33 esebimen utty.
4-shi jarys kúniniń qorytyndysy boıynsha Qazaqstan quramasynyń qorjynynda 1 altyn, 2 kúmis jáne 7 qola júlde bar.
