Foto: Týrızm jáne sport mınıstrligi
Ásem Orynbaı men Edýard Eshenko stendtik atý týrnıriniń aralas juptyq saıysynda altynnan alqa taqty. «Skıt» jattyǵýynyń fınalynda Qazaqstan sportshylary Kýveıtten kelgen qarsylastarynan ozdy. Qorytyndy esep – 40:35
Aıta ketsek, bul Azıadadaǵy elimizdiń ulttyq quramasy úshin úshinshi altyn medal. Esterińizge salaıyq, keshe Ásem Orynbaı, Zoıa Kravchenko jáne Olga Panarınadan jasaqtalǵan Qazaqstannyń áıelder komandasy «skıt» jattyǵýynda altyn medal jeńip alyp, Azııa oıyndarynyń rekordyn ornatty. Al jekeleı synda Ásem Orynbaı qola júldege ıe boldy.
Sportshylardy, jankúıerlerdi jáne komandanyń jattyqtyrýshylar shtabyn atalǵan jeńispen quttyqtaǵan Týrızm jáne sport mınıstri Ermek Marjyqpaev: «Búkil el mergenderimizben maqtanady. Bul jeńis jetkinshekterdi osy sport túrimen aınalysýǵa shabyttandyratynyna senimdimin», dedi.
