«Ana men bala» – jeńimpaz

«Keskindeme» atalymyna 30-dan asa elden 190 adam qatysqan. Baıqaýda otandasymyzdyń «Ana men bala» týyndysy úzdik dep tanyldy.

«Jeńiske jetkenim týraly keshe bildim, basynda tipti senbedim. Men bala kezimnen sýret salamyn, balalar kór­kemsýret mektebin jáne Ulttyq óner ýnıversıtetin bi­tir­dim», deıdi Ásemgúl.

Sýretshi kommersııa­lyq jobalar úshin ártúrli teh­nıka men stılde jumys isteı­di. Degenmen jeńimpazdyń ju­mysynan ulttyq erekshe­lik elementterin jıi kórýge bolady.

Buǵan deıin «Ana men ba­la» kartınasy Ásemgúl kór­mesiniń negizgi bóligi retinde jaqsy baǵaǵa ıe bolǵan.

«Keıingi kezde baıqaý­lar­ǵa qatysa bermeıtin boldym. Bul baıqaýǵa qatysý týraly sheshim kenetten qa­byl­dandy. Jazda kórmem ót­kende, avtorlyq kartınalar serııa­syn saldym. Ortalyq eks­ponat «Ana men bala» kar­tınasy boldy. Men onyń adam­darǵa qatty unaǵanyn, jurt odan kóz almaǵanyn baıqadym. Mundaı baıqaý­dyń ótip jatqanyn kórip, birden qatysýǵa ótinim berýdi shesh­tim», deıdi jeńimpaz.