Foto: Beınekadr
Semserlesýden sapynda Rýslan Qurbanov, Elmır Álimjanov, Erlik Sertaı, Vadım Sharlaımov bar Qazaqstan erler quramasy Azıadanyń kúmis medalin jeńip aldy.
Velotrekten Qazaqstan erler quramasy (Ramıs Dinmuhamedov pen Artem Zaharov) medıson baǵdarlamasynyń fınalynda 37 upaı jınap, 3-shi orynǵa ıe boldy.
Trıatlonnan 1: 52: 25 ýaqyt aralyǵynda úsh kezeńnen ótken Aıan Beısenbaev qola medal jeńip aldy.
Jeńil atletıkadan elimizdiń qorjynyna alǵashqy júldeni Karolın Chepkoech Kıpkırýı saldy, ol 10 shaqyrymdyq jarysta úshinshi keldi.
Shahmattan qyzdar quramasy birinshi týrda BAÁ komandasyn 4:0 esebimen jeńdi, erler quramasy Taılandtan 3,5:0,5 esebimen ozyq shyqty.
Sý dobynan Qazaqstan qyzdar quramasy Azıadadaǵy 4-shi matchta Taıland komandasyn 13:8 esebimen utty.
Hokkeıden Qazaqstannyń qyzdar komandasy Indonezııadan kelgen qarsylastaryn 2:1 esebimen jeńdi.
Bokstan 92 kelige deıingi salmaqta óner kórsetken Saǵyndyq Toǵaıbaı Irannan kelgen qarsylasyn merziminen buryn jeńip, Azııa oıyndarynyń jartylaı fınalyna shyqty. Al Karına Ibragımova (57 kg) Soltústik Koreıadan kelgen sportshydan basym túsip, jeńiske jetti.
6-shy jarys kúniniń qorytyndysy boıynsha Qazaqstan quramasynyń qorjynynda jalpy 3 altyn, 4 kúmis jáne 19 qola júlde bar.
