Foto: elements.envato.com
Mınıstrdiń aıtýynsha, Qazaqstanda AES salý máselesi tóńireginde birneshe nusqa qarastyrylyp jatyr.
«Qazir AES qurylysy úshin arnaıy qondyrǵylardy jetkizýshilerdi irikteýdiń aldyn ala kezeńi júrip jatyr, tórt qatysýshynyń tizimi resmı túrde quryldy. Olar - Fransııa, Qytaı, Reseı Federasııasy men Koreıa. Sondaı-aq Energetıka mınıstrligi amerıkalyq áriptesterimizdiń shaǵyn modýldik reaktorlardy salý jónindegi eki usynysyn qarastyryp jatyr», dedi Almasadam Satqalıev.
Osy tusta mınıstr Memleket basshysynyń málimdemesine sáıkes Qazaqstanda atom elektr stansııasyn salý máselesi boıynsha túpkilikti sheshim qabyldaý úshin jalpyhalyqtyq referendým ótetinin eske saldy.
«Atom elektr stansasy máselesi boıynsha keıingi barlyq sheshimder referendým nátıjesine qaraı qabyldanady», dep túıindedi vedomstvo basshysy.
