Ortalyq kommýnıkasııalar qyzmetinde ótken brıfıng barysynda Densaýlyq saqtaý mınıstri Ajar Ǵınııat Qazaqstanda aı saıyn koronavırýsqa genetıkalyq zertteýler júrgiziletinin habarlady.
«Elge jańa shtamnyń kirgen-kirmegenin bilýimiz kerek. Sońǵy zertteý derekteri boıynsha Qazaqstanda «Erıs» dep atalatyn «Omıkronnyń» jańa shtamy anyqtaldy», dedi Ajar Ǵınııat.
Mınıstrdiń aıtýynsha, qazir álemde «Omıkronnyń» jańa shtammdary tirkelip jatyr.
«Qandaı shtamm bolsa da, koronavırýstyq ınfeksııanyń klınıkalyq kórinisi birte-birte ózgerip keledi. Syrqattaný kezeńi qysqardy, naýqastardyń jaǵdaıy aýrlyǵy boıynsha ortasha nemese jeńil bolady. Qazirgi ýaqytta Qazaqstanda COVID-19-dan tek 35 adam stasıonarlyq em qabyldap jatyr. Bul qatar júretin aýrýlary kóp qart adamdar», dep túsindirdi Ajar Ǵınııat.
