Foto: Jetisý oblysy ákimdigi
Buǵan deıin ótken baıqaýlardyń tartysty ótýine talaı prozashylar, jýrnalıster, zańgerler, quqyq qorǵaýshylar detektıv janryndaǵy shyǵarmalarymen úlesterin qosqan.
«Bıylǵy detektıv shyǵarmalar baıqaýy jazýshynyń 100 jyldyǵymen tuspa-tus kelip otyr. Ári sharaǵa Jetisý oblysynyń ákimdigi qoldaý kórsetkenin aıta ketkenimiz jón. Kemel Toqaevtyń týǵan ólkesinde ótetin baıqaýdyń artyqshylyǵy kóp. Úmitkerlerdiń baıqaý talabyna sáıkes keletin shyǵarmalary respýblıkalyq «Zań gazeti» men «Iýrıdıcheskaıa gazeta» basylymdarynda jaryq kóredi. Baıqaýǵa joldanǵan shyǵarmalar zanmedia.kz saıtyndaǵy «Detektıv» aıdarynda jınaqtalyp, kópshiliktiń oqyp tanysýyna, pikir bildirýine múmkindik jasalady. Sondaı-aq, shara aıasynda buǵan deıingi baıqaýlarda bas júldeni ıelengen úzdikter Taldyqorǵanǵa arnaıy shaqyrylyp, sheberlik sabaǵyn ótkizedi», dedi spıker.
Shyǵarmalar 15 qazan kúngi saǵat 18.00-ge deıin qabyldanady. Bir avtor birneshe shyǵarmasyn usyna alady. Mátin, qarpi – Times New Roman, kegl - 14, jol aralyq ınterval – 1, túzetilýi – eninen, shet-shetinen – 2 sm.. Úmitker óziniń aty-jónin, tólqujatynyń kóshirmesin, uıaly baılanys nomerin, elektrondy poshtasyn tolyq jazýy kerek. Basty talap – jiberiletin materıaldar detektıv janrynyń tabıǵatyna sáıkes bolýy kerek. Belgilengen merzimnen keshigip jiberilgen nemese konkýrstyń talabyna sáıkes kelmeıtin jáne buryn basqa baıqaýǵa qatysqan shyǵarmalardyń konkýrsqa qatysýyna jol berilmeıdi.
Júldegerler 8 qarasha kúni Taldyqorǵanda marapattalady, ýaqyty men ótetin orny uıymdastyrýshylar tarapynan qosymsha habarlanady.
