Hanchjoý: Bir kúnde 3 altyn

Aldymen otandyq veloshabandoz Evgenıı Fedorov velosporttan toptyq jarysta má­re syzyǵyn birinshi bolyp kesip, Azııa oıyndarynyń altyn júldegeri atandy. 207,7 shaqyrymǵa sozylǵan toptyq saıysta ekinshi bolyp máre syzyǵyn taǵy bir otandasymyz Alekseı Lýsenko kesip ótti. Aıta keteıik, buǵan deıin Azııa oıyndarynyń 4 dúrkin chem­pıony bolǵan Alekseı Lýsen­ko márege jaqyn qalǵanda ózi­niń áriptesi Evgenıı Fedorovke jolyn berip, márttik tanytty. E.Fedorov 2018 jyly jas­ós­pirimder arasynda Olımpıada chempıony, 2019 jyly ǵana eresekter dýyna ótti. Ol 23 jas­qa deıingiler arasynda álem chempıony, 4 dúrkin Azııa jeńim­pazy.

Djıý-djıtsýdan el namy­syn qorǵaǵan Nurjan Batyr­bekov fınaldyq saıysta eki dúrkin Azııa chempıonyn jeńip, jankúıerlerdi bir qýantyp tas­tady. Álem chempıonatynyń qola júldegeri N.Batyrbekov (69 kg) jarys barysynda Osama Kandıldi – 9:0, Ramshed Abdýllaevty – 7:0, Seonghýeon Jýdi 5:2 esebimen jeńdi. Fınaldyq aıqasta Mohamed Alsývaıdıden 4:2 esebimen aıla­syn asyrdy.

Karateshi Nurqanat Áji­qa­novty Tokıo Olımpıadasy­nan beri tanımyz. Japon jerinde joly bolmady demeseńiz, jerlesimiz Azııa, álem chempıonattarynda júl­de alyp júr. Sondyqtan Nur­qanattyń aldynda Azııa oıyn­darynda top jarý maqsaty turdy jáne jerlesimiz úmitti aqtady. Karateshimiz Azııa oıyndarynyń alǵashqy aınalymynda Mahammed Shekhý Alamdy (Nepal) 5:0 esebimen utsa, shırek fınalda qyrǵyz sportshysy Nazym Nurlanovtan 3:1 esebimen basym tústi. Al jartylaı fınalda Nurqanat Malaızııa ókili Ragonazan Shar­mendrandy 4:3 esebimen jeńdi. Al fınalda ıordanııalyq Hasan Masarsheıhti 8:0 esebimen oısyrata utty.

Sondaı-aq keshe Laýra Áliqul (karate), Alekseı Lýsenko (velosport), Qamshybek Qońqabaev (boks), Karına Ibragımova (boks) kúmis medaldy jeńip aldy. Al Álimhan Syzdyqov (grek-rım), Mansur Habıbol­la men Aldııar Serik (djıý-djıtsý) qola júldeni qanaǵat tutty.

Beıresmı jalpykomanda­lyq esepte Qazaqstan qura­ma­sy ­8 altyn, 15 kúmis jáne 38 qola ­medalmen 11-orynda ke­ledi. Búgin jarys jolyna shy­ǵa­tyndardyń qatarynda Islam oıyndarynyń chempıony Qaı­sar Alpysbaı men Ásel Qanaı bastaǵan karateshiler, ashyq sý­da 10 shaqyrym qashyqtyq­ta­ǵy Azııa chempıonatynyń júl­degeri Marııa Fedotova men Dıana Tasjanova, Rahat Qal­jan bastaǵan erkin kúres sheber­leri, áıelder kúresi, kórkem gım­nastıka, djıý-djıtsý qyz-jigitteri bıik tuǵyrdan kórinýge ta­lasady.