Foto: elorda ákimdigi
1992 jyldan bastap, qazan aıynyń ekinshi jeksenbisi múgedekter kúni retinde atap ótiledi. Osy ataýly kúnge oraı elimizde múgedek jandardyń sportpen aınalysýyna yqpal etken, 2002-2015 jyldar aralyǵynda «Qaısar» sport klýbynda jattyqtyrýshy bolǵan Qanat Qusaıynovty eske alýǵa arnalǵan týrnır ótti. Jarys bıyl birinshi ret ótkizilip otyr.
«Búgin arbadaǵy jandarǵa para ústel tennısimen shuǵyldanýyna múmkindik bergen bapker Qanat Qusaıynovty eske alý týrnırine tek Astana ǵana emes, sonymen qatar Qaraǵandy, Kókshetaý qalasynan da sportshylarymyz arnaıy kelip otyr. Bıyl Qytaıda ótetin lısenzııalyq para Azııa oıyndaryna elimizden 14 adam qatyssa, sonyń tórteýi Astana qalasy atynan barǵaly otyr. Osy nátıjege biz birneshe jyl boıy úzdiksiz jattyǵýdyń arqasynda jetip otyrmyz. Sport bolǵan jerde jeńis te, jeńilis te qatar júredi. Sondyqtan atalǵan jarysta barlyǵyńyzǵa sáttilik tileımin!», dedi jarystyń ashylýyna qatysqan Astana qalasynyń Dene shynyqtyrý jáne sport basqarmasy basshysynyń orynbasary Erkeǵalı Korbozov.
Jarysqa 30-ǵa jýyq qatysýshy qatysyp, erler jáne áıelder 3 túrli klass boıynsha jeńimpazdardy anyqtady.
Saltanatty is-shara barysynda Álisher Talǵatov sýrdo júzýden QR Halyqaralyq dárejedegi sport sheberi, Saıat Dosalı para júzýden QR sport sheberine úmitker, Rınat Gılfanov para ústel tennısinen QR sport sheberine úmitker, Janna Alıeva para ústel tennısinen QR sport sheberine úmitker ataǵymen marapattaldy.
Jarys júldegerleri retinde tómendegi sportshylardyń esimderi ataldy:
Áıelder. S-3 sanat.
1-oryn. Kýrıýkova N.
2-oryn. Alıeva J.
3-oryn. Sergeeva S.
Erler. S-4 sanat.
1-oryn. Dostahın H.
2-oryn. Abýov K.
3-oryn. Aýshamov S.
S-5 sanat.
1-oryn. Gılfamov R.
2-oryn. Starygın F.
3-oryn. Jarmaǵanbetov B.
Jarys jeńimpazdary kýbok, medal jáne arnaıy syılyqtarmen marapattaldy.
