Ulytaý oblysynyń mədenıet, tilderdi damytý jəne arhıv isi basqarmasynyń basshysy Ánýar Omar quttyqtaý sózinde halqymyzdyń bata berý saltynyń qadir-qasıetine toqtaldy.
– «Batamenen el kógereri», «Bataly er arymas» sııaqty bir bataǵa ǵana oraı ondaǵan, júzdegen baǵa bergen ultymyz sózdiń qudiretin keremet uǵynǵany, bilgeni tańdandyrmaı qoımaıdy, dep saıysqa qatysýshylarǵa sáttilik tiledi.
Árbir qatysýshy eki taqyrypty qamtyǵan bata men ósıet tilegin ortaǵa saldy. Jergilikti ónerpazdardyń án-kúıleri men bıleri sharanyń shyraıyn odan ári asha tústi.
Qazylar alqasynyń uıǵarýymen Qarajal qalasynyń aqsaqaly Jarqynbaı Jetimek bas júlde – 300 myń teńge aqshalaı syılyq pen dıplomǵa ıe boldy. Birinshi oryn jezqazǵandyq Qýanyshbek Narbaev, 2-oryn Jańaarqa aýdanynyń ókili Bergen Qojamuratov, 3-oryn Sətbaev qalasynyń batagóıi Ədilbek Qasymov aqsaqaldarǵa buıyrdy. Ulytaý aýdany Qarakeńgir aýylynan kelgen Saılaý Balapanuly «Egemen Qazaqstan» gazetine kelesi 2024 jylǵa tegin jazylatyn boldy.
– Batagóı qarııalardy baǵalaý kezinde olardyń ózderiniń shyǵarǵan bata, tilegine mán berdik. О́ıtkeni bir aýyz bolsa da buryn el estimegen jańa ári jaǵymdy bata – baıqaýdyń oljasy ǵoı, deıdi qazylar alqasynyń tóraǵasy, «Aqparat salasynyń úzdigi», ardager-jýrnalıst Amandyq Rahuly.
Oblystyq Ardagerler keńesiniń tóraǵasy Saǵyndyq Qojamseıitov ónegesi mol mundaı is-sharany ótkizýdi dásúrge aınaldyrý týraly bastama kóterdi. Kópshilik bul usynysty qýana quptady.
Ulytaý oblysy
