Bekitilgen osy qaǵıdalardyń jańa redaksııasy áleýetti ónim berýshilerden, uıymdardan ótinimder berýdiń jáne QMG munaı-gaz óndirý aktıvterinde tájirıbelik-ónerkásiptik synaqtar júrgizýdiń biryńǵaı tártibin belgilep otyrady. Qujat jańa tehnıka, tehnologııalar, materıaldar men jabdyqtar boıynsha TО́S-ti uıymdastyrýdy, júrgizýdi jáne monıtorıngteýdi, stendtik jáne zerthanalyq synaqtardy, TО́S nátıjelerin jan-jaqty taldaýdy, sondaı-aq jańa tehnıka men tehnologııalardy ónerkásiptik engizip tırajdaý jónindegi odan keıingi sheshimdi retke keltirý úshin ázirlengen.
«QazMunaıGaz» AQ-da bıznes-úderisterdi sıfrlandyrý aıasynda TО́S-tiń jańa Erejelerine sáıkes áleýetti jetkizýshi, QMG ETU, QMG jáne QMGI arasyndaǵy ózara áreketterdi jaqsartý úshin «TО́S ortalyǵy» ınternet-portaly iske qosyldy. Ol sıfrlyq formatta bir tereze prınsıpi boıynsha jumys isteıdi. Onda «QMG Injınırıng» JShS «QazMunaıGaz» AQ ǵylymı-tehnıkalyq qoldaýdyń mamandandyrylǵan ortalyǵy bolyp tabylatyn negizgi rólge ıe.
Atap aıtqanda, QMGI óndirýshilerden nemese jańa tehnıka, tehnologııalar, materıaldar, jabdyqtar men hımııalyq reagentter ókilderinen kelip túsken ótinishterdi qaraıdy. Sóıtip, QMG ETU ken oryndarynda jańa tehnıka men tehnologııalardyń qoldanylýyn taldap, TО́S súıemeldeýdi jáne júrgizilgen TО́S nátıjelerin rastaý boıynsha jumys júrgizedi.
«TО́S júrgizý Erejeleriniń» reglamenttelgen tártibiniń blok-shemasy «TО́S ortalyǵy» ınternet-portalynyń jumys algorıtmimen tolyq sınhrondalǵan. Osylaısha, QMG Injınırıng QMG-da bıznesti korporatıvtik júrgizýdi transformasııalaý strategııasyn iske asyrýǵa belsendi túrde qatysady. Odan ári QMG jáne ETU arasyndaǵy ózara árekettesý bıznes-úderisterin ońtaılandyrýǵa jáne úılestirýge eleýli úles qosady.
