Foto: Vedomstvonyń telegram arnasy
Týrızm jáne sport mınıstrliginiń baspasóz qyzmeti málim etkendeı, jarysqa el atynan 131 atlet 14 sport túrinen qatysady. Atap aıtqanda para jeńil atletıka, bochcha, para paýerlıftıng, shahmat, para júzý, para velosport, para dzıýdo, para kanoe, voleıboldy otyryp oınaý, para taekvondo, para sadaq atý, para ústel tennısi, akademııalyq esý, para oq atý sport túrlerinen 485 medal úshin talasqa túsedi.
Aıta ketsek, Qazaqstan quramasy 2010 jyldan beri Azııanyń Para oıyndaryna tórtinshi ret qatysqaly otyr.
Týrızm jáne sport mınıstri Ermek Marjyqpaevtyń aıtýynsha, para sportshylarymyz úzdikter qatarynan kóriný úshin memleket tarapynan barlyq jaǵdaı jasalǵan. Bıyldyń ózinde ulttyq qurama sportshylary 40-tan astam sporttyq is-sharaǵa, 30-dan astam oqý-jattyǵý jıyndaryna qatysyp, biliktilik shyńdaǵan.
Aıta keteıik, Azııa oıyndarynda júlde alǵan sportshylar men olardyń jattyqtyrýshylaryn aqshalaı yntalandyrý maqsatynda qurlyq chempıony atanǵan sportshyǵa 10 000 dollar kóleminde aqshalaı syıaqy berilip, altyn medal ıegerin jarysqa daıyndaǵan jattyqtyrýshyǵa 5 000 dollar qarastyrylǵan.
Qurlyq birinshiliginiń kúmis júldegeri 5 000 dollar, al jattyqtyrýshysy 3 000 dollar kóleminde syıaqy alady.
Sondaı-aq qola medal enshilegenderge 3 000 dollar, al onyń jattyqtyrýshysyna 2 000 dollar kóleminde aqshalaı yntalandyrý belgilengen.
Jarysqa 43 elden 4 myńǵa jýyq sportshy qatysyp, sporttyń 22 túrinen barlyǵy 564 medal jıyntyǵyn (paralımpıadalyq sport túrinen - 490 jáne paralımpıadalyq emes sport túrinen - 74) sarapqa salady.
