Aımaqtar • 15 Qazan, 2023

Saýyr-Saıqandaǵy qusbegiler saıysy

422 ret

kórsetildi

2 mın

oqý úshin

Iá, bul kúni Saýyr-Saıqannyń baýraıynda elimizdiń ár óńirinen at terletip jetken qusbegiler men tazy baptaǵan azamattardyń basy qosyldy, baǵy men baby synaldy. Aıta keteıik, Zaısan aýdanynda búrkitshilerdiń dúbirli dodasy tuńǵysh ret uıymdastyrylǵan.

Mereı QAINARULY

Zaısan aýdanynyń qurylǵanyna bıyl 95 jyl. Osynaý mereıli dataǵa oraı óńirde túrli sharalar qolǵa alynǵan. Sonyń biri – qazaqtyń bekzat óneri qusbegiler saıysy. Saýyrdyń baýyrynda Aqynbek aqsaqaldan basqa búrkit baptap otyrǵan eshkim joq. Dese de aýdan ákimdiginiń qoldaýymen búrkitshiler sonaý Atyraý, Almaty, Abaı, Aqmola, Qaraǵandy, Aqtóbe oblystarynan kelgen.

Týrnırdiń ashylý saltanatynda Qazaqstan Respýblıkasy «Qusbegilik» federasııasynyń vıse-prezıdenti Baǵdat Múptekqyzy, Qazaqstannyń qusbegilikten memlekettik jattyqtyrýshy Kúntýǵan Bazarbek, «Shyǵys Altaı» búrkitshiler federasııasynyń tóraǵasy Táttimbet Kápuly sóz sóılep, saıysqa qatysýshylarǵa sáttilik tiledi.

msı

Sharanyń alǵashqy kúni qumaı tazylardyń jarysy ótken. Oǵan uzyn sany 26 tazy qatysyp, ushqyrlyqtary, eptilikteri, qyraǵylyqtary synaldy. Nátıjesinde, I oryndy Janat Ahatovtyń tazysy «Saǵym», II oryndy Alıjan Nurmuhametovtiń tazysy «Suńqar», III oryndy Aıdyn Asqarbekulynyń tazysy «Tuıǵyn» ıelendi. Al qusbegilerdiń saıysynda I oryndy Atyraý oblysynan kelgen Arman Qoshqarbekov jeńip aldy. Júldeli II oryndy da Atyraý oblysynyń búrkitshisi Sarmat Abdýkarımov ıelendi. III oryndy Astanadan kelgen Kúntýǵan Dıas qanjyǵaǵa baılady. Itelgi men qarshyǵa saıysynda júldeli oryndardy Qaraǵandy, Atyraý, Abaı, Shyǵys Qazaqstan oblystarynyń qusbegileri alǵan.

Jeńimpazdarǵa aýdan ákiminiń atynan aqshalaı syılyqtar, kýbog, medaldar jáne Zaısan aýdanynyń 95 jyldyq mereıtoıyna arnalǵan tósbelgiler tapsyryldy.

Shyǵys Qazaqstan oblysy,

Zaısan aýdany