Halyqaralyq avıasııa máseleleri

2023 jylǵy 16-20 qazan ara­ly­ǵynda QR KM Azamattyq avıa­sııa komıtetiniń shaqyrýymen Halyq­aralyq azamattyq avıasııa uıymynyń (IKAO) Eýropalyq jáne Soltústik Atlantıkalyq bıýrosynyń óńirlik dırektory Nıkolas Rallo myrza Qazaqstan Respýblıkasyna resmı saparymen keldi.

Sapar aıasynda N.Rallo Qazaq­­­­­stan Respýblıkasy Pre­mer-mınıstriniń birinshi oryn­­basary Roman Sklıarmen kez­desý ótkizdi. Kezdesý bary­syn­da taraptar Qazaqstan Res­pýb­lıkasy men IKAO arasyn­da­ǵy­ yntymaqtastyqtyń ózekti máse­le­lerin talqylady. Ha­lyq­­­aralyq azamattyq avıa­sııa­ uıymynyń (IKAO) Eýro­palyq jáne Soltústik Atlan­tı­kalyq bıýrosynyń óńirlik dırek­torynyń elimizdiń ushý qaýip­sizdigi men avıasııalyq qaýip­siz­dikti qamtamasyz etý jónindegi jumystaǵy ilgerileýin atap ótti.

Osylaısha, IKAO aýdıti­niń nátıjeleri boıynsha Qazaq­stan­nyń ushý qaýipsizdigin qam­ta­masyz etý deńgeıi 82%-ǵa deıin artyp otyr. Bul álemdik ortasha­ kórsetkishten 13 paıyz­ǵa­ joǵary. Sonymen qatar Qazaq­­stannyń azamattyq avıasııany basqarý júıesin reformalaý salasyndaǵy oń ilgerileý baıqalatynyna nazar aýdaryldy. Kezdesý barysynda Nıkolas Rallo IKAO ushý qaýipsizdigi men avıasııalyq qaýipsizdikti, jolaýshylar úshin áýe kóliginiń qoljetimdiligin qamtamasyz etý, sondaı-aq áýe tasymaly naryǵyn ilgeriletý boıynsha Qazaqstanda júrgizilip jatqan barlyq reforma men bastamany qoldaıtynyn aıtyp jetkizdi.

Sonymen birge kezdesý­ sheń­be­rinde Qazaqstan Respýb­lı­ka­synda azamattyq avıasııa salasyn odan ári damytý maqsatynda Ushý qaýipsizdiginiń ulttyq jos­pa­ryn ázirleý jáne bekitý, avıa­sııa­ salasyna arnalǵan perso­naldy oqytý, avıasııalyq oqı­ǵa­lardy tergeý júıesin nyǵaıtý mańyzdylyǵy atap ótildi.

Kezdesý sońynda Premer-mınıstrdiń birinshi orynbasary Roman Sklıar azamattyq avıasııany damytý jónindegi bastamalar odan ári jalǵasatynyn aıtyp ótti. Kezdesý qorytyndysy boıynsha eki tarap talqylanǵan máseleler barysynda jemisti ynty­­maqtastyqty jalǵastyrýǵa kelisti.