Foto: ashyq derekkóz
Almaty qalasy, Almaty, Jambyl jáne Túrkistan oblystarynyń polısııa qyzmetkerleri men prokýratýra qylmystyq toptyń 22 múshesin qamaýǵa aldy.
Uıymdastyrýshylardyń qatarynda medısına qyzmetkerleri, notarıýs, resıpıentter men donorlar bolǵan. Olar resıpıentter men donorlardy izdeý, jalǵan qujattardy resimdeý jáne ishki organdardy transplantasııalaý mindetterin ózara bólisip, áreket etken.
«Kelisim somasy 6-10 mıllıon teńgeni qurady, osyndaı segiz fakt anyqtaldy. Úsh negizgi uıymdastyrýshy qamaýǵa alyndy. Izdestirý is-sharalarynyń nátıjeleri boıynsha kúdiktilerden aqsha, qujattama, sıfrlyq tasymaldaǵyshtar jáne basqa da zattaı dáleldemeler tárkilendi», delingen habarlamada.
Aıta ketsek, «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń Kodeksine sáıkes transplantasııalaý kezinde adam aǵzalary men tinderin alyp-satýǵa tyıym salynady.
QR QK-niń 116-baby «Adamnyń aǵzalary men tinderin alyp qoıýǵa májbúrleý nemese zańsyz alyp qoıý» boıynsha sotqa deıingi tergep-tekserý júrgizilip jatyr. Baptyń sanksııasy múlki tárkilenip, 12 jylǵa deıin bas bostandyǵynan aıyrý túrindegi jazany kózdeıdi.
