Ol 1912 jyly Aqtóbe oblysynyń Qarabutaq aýdanynda dúnıege kelgen. Sol aýdanda bastaýysh mektepti úzdik bitirip, keıin Aqtóbe qalasynda bilim alyp, alǵashqy eńbek jolyn Qyzylorda oblysynyń Aral aýdanyna qarasty Úshkól aýyldyq bastaýysh mektebinde muǵalim bolyp bastaǵan. Bul – 1933 jyl bolatyn. Keıin 1935 jyly Júsip atamyz «Mıllıoner Tastúbek kolhozy» atanǵan aýyl mektebine aýystyrylady. Balalardyń sanasyna bilimmen qosa tárbıeni de sińirýge bel sheshe kirisken jas ustaz BK(b) partııasy músheligine ótedi. 1938 jyly osy ujymshar quramyndaǵy Qarabulaq eldi mekeniniń bastaýysh mektebine meńgerýshi bolyp aýysady.
El basyna kún týǵanda Júsip atamyz da Aral aýdandyq áskerı komıssarıatynyń shaqyrýymen maıdanǵa attanady. Aldymen Saratov qalasyndaǵy joǵary áskerı komandırler daıarlaıtyn arnaýly ýchılıshede leıtenant shenin alyp shyǵady da, 79-gvardııalyq atqyshtar polkine qarasty 26-Shyǵys Sibir gvardııa atqyshtar dıvızııasynyń vzvod komandıri sheninde soǵysqa aralasady. Eldi jaýdan azat etý jolynda kúsh-jigerin jumsaıdy.
1944 jyldyń aqpan aıynda 26-gvardııalyq atqyshtar dıvızııasy Vıtebsk qalasyn jaýdan azat etýge qatysady. Leıtenant Júsip Buzaýbaev basqaratyn vzvodqa qalanyń batysyndaǵy Malye Rýbıny selosyn basyp alýǵa buıryq berilgen. Vzvod jaýyngerleriniń janqııarlyq erliginiń arqasynda buıryq buljytpaı oryndalyp, eldi meken jaýdan tolyq azat etiledi. О́kinishke qaraı, sol shaıqasta bári de erlikpen qaza tabady.
Shybyn janyn Otany úshin pıda etken atamyz Belorýstiń Vıtebsk oblysy Gorodskoı aýdany Malye Rýbıny selosyndaǵy baýyrlastar zıratynda jerlengen. Ol jóninde 1944 jylǵy 31 naýryzdaǵy buıryqtyń kóshirmesinde jazylǵan. Bul qujat Aral aýdandyq AÁK-tiń №30-tiziminde tirkelgen, ardagerler alleıasy tiziminde tur. 1999 jyly shyqqan «Bozdaqtar» kitabyndaǵy soǵysta qaza bolǵan qyzylordalyqtar týraly tarıhı derekterde atamyzdyń Ekinshi dúnıejúzilik soǵysqa qatysyp, erlik kórsetkeni jóninde aıtylǵan.
Júsip atamyzdyń urpaqtary arasynda muǵalimder de, áskerı salany tańdaǵandar da boldy. О́ziniń bel balasy Saǵıtjan Júsipov 1940 jyly Sekseýil kentinde dúnıege kelgen. Eńbek jolyn Sekseýil stansasynda vagon qaraýshy bolyp bastaıdy. Biliktiligi men izdenimpazdyǵynyń arqasynda Qazaly vagon jóndeý deposyna qyzmetke aýysady. Osy jerde 1974 jylǵa deıin eńbek etip, Jambyl qalasyndaǵy vagon jóndeý deposyna aǵa sheber, vagon revızory bolyp, Jambyl qalalyq máslıhat depýtattyǵyna saılanyp, qoǵamdyq jumys atqarady. 2003 jyly eńbek demalysyna shyǵyp, 2012 jyly qaıtys boldy.
Saǵıtjan aǵamyzdyń artynda 4 ul, 1 qyz qaldy. Uldarynyń biri Rysmaǵanbet Júsipov uzaq jyl áskerı qyzmette bolyp, podpolkovnık sheninde zeınetke shyǵyp, qazir Taraz qalasyndaǵy №24 gımnazııada alǵashqy áskerı daıyndyq jáne tehnologııa pániniń muǵalimi. Al taǵy bir uly Altynbek Júsipov kóp jyl boıy Ulttyq ulanda basshylyq qyzmet atqaryp, búgingi tańda qurmetti zeınetke shyqqan polkovnık. Taýly Qarabaq soǵysynyń ardageri, professor.
Júsip Buzaýbaevtyń da eńbegi men erligi týǵan jerinde óz dárejesinde qurmettelýge tıis. Ol surapyl soǵys jyldarynda janqııarlyqpen Otanyn qorǵaǵan. Sondyqtan bolashaq urpaq úshin keýdesin oqqa tosyp, basyn báıgege tikken maıdanger atamyzdy eske alý – keıingi urpaqtyń mindeti. Syn saǵatta elin qorǵaǵan ardagerlerimizdi qurmetteý – paryzymyz. Erligi aıan, batyrlyǵy belgili qaharman bozdaqtyń týǵan jeri Sekseýil kentinen bir mekteptiń atyn berse, nur ústine nur bolar edi.
Baqytjan JOLMYRZA,
Sekseýil kenti ardagerler keńesiniń tóraǵasy
Altynbek JÚSIPOV,
zapastaǵy polkovnık, maıdangerdiń nemeresi
