Foto: Turizm_zhane_sport_ministrligi
Búginnen bastap Qazaqstan quramasy resmı túrde IV Azııa Para oıyndarynyń saıystaryna qatysýǵa múmkindik aldy. Sharaǵa Qazaqstan quramasynyń sportshylary men sport salasynyń mamandary qatysty.
«Qazaqstan quramasy Azııa oıyndaryna aman-esen jetti. Bizdiń sportshylar klassıfıkasııadan sátti ótip, ózderiniń sport klasyn rastady. Sportshylardyń klasy paralımpıadalyq sportta sheshýshi ról atqarady, bul barlyq qatysýshylar úshin ádil jarystardy qamtamasyz etedi. Endi bizdiń aldymyzda qundy medaldar úshin qarqyndy kúres tur. Qarsylastarymyz osal emes. Osy para oıyndaryna elimizdiń tarapynan sporttyń 14 túri boıynsha 131 sportshy qatysady, bul Qazaqstannyń Azııa para oıyndary tarıhyndaǵy qatysýshylar sany boıynsha jańa rekord. Aldyńǵy oıyndarǵa Qazaqstannan 9 sport túrinen 91 sportshy qatysyp, 33 júldege qol jetkizgen bolatyn. Bıyl odan da kóp medal ákelemiz dep úmittenemiz» , dedi Ulttyq Paralımpıada komıtetiniń bas hatshysy Erlan Súleımenov.
Qazaqstan Týyn kóterý rásimine para paýerlıftıngten Tokıo-2020 Paralımpıada oıyndarynyń jeńimpazy, álem jáne Azııa chempıony Davıd Degtıarev qatysty. Sportshy jazǵy Azııa para oıyndarynda da otandastarymyz baryn salyp, kók baıraǵymyzdy jelbiretýde aıanyp qalmaıtynyn jetkizdi.
Hanchjoýdaǵy jazǵy Azııa Para oıyndary 22-28 qazan aralyǵynda ótedi. Azııa qurlyǵynyń 22 memleketinen kelgen 4000-ǵa tarta sportshy júlde úshin saıysqa túsedi.
