2023 jyldyń tamyz aıynda Astana-Ystanbul baǵytynyń jolaýshysy jol júginen 19 myń AQSh dollary somasynda aqshalaı qarajatynyń joǵalǵanyn baıqap aryzdanǵan. Dál osyndaı shaǵym Astana-Dýbaı baǵytyndaǵy áýe reısiniń jolaýshysynan da túsken. Bul joly 7 800 AQSh dollary joǵalǵan edi.
Urlyq faktisin áshkereleý maqsatynda kólik polıseıleri kólik prokýratýrasymen birlesip, áýe aılaǵynda júk tıeýshi bolyp jumys istegen 6 adamdy ustady. Olar ózge adamdardyń aqshasyn qoldy qylǵandaryn moıyndady.
«Aqsha urlaý faktisine qatysy bar qyzmetkerlerdiń áreketi dıssıplınarlyq komıssııanyń qaraýyna alyndy. Odan bólek quzyrly organdar tergeý amaldaryn júrgizip jatyr. Tergeý aıaqtalyp, sot sheshimi shyqqanan soń qyzmetkerlerdiń jumysta qalý-qalmaýy belgili bolady. Qazir atalǵan iske qatysy bar áýejaı qyzmetkerleri jumysta joq», deıdi Astana halyqaralyq áýejaıynyń resmı ókili, PR bóliminiń basshysy Toıgúl Jubanysova.
Aıta ketsek, áýe aılaǵynyń júk bólimshesi tolyqtaı beınebaqylaý kameralarymen jabdyqtalǵan. Dese de jolaýshylardyń júgi perronda bagaj lentasynan ushaqtyń júk bólimine ótkende «kórinbeıtin aımaqqa» túsip qalatyn kórinedi.
«Ushaqtardyń júk bólimi beınebaqylaý kameralarymen jabdyqtalmaǵan. Keleńsiz jaǵdaılardyń aldyn alý jáne urlyq faktilerin azaıtý maqsatynda áýejaı ákimshiligi «kórinbeıtin aımaqtarǵa» kamera ornatý jumystaryn pysyqtap jatyr. Jolaýshylardan qundy zattaryn jol júginde alyp júrýin suraımyz», dep qosty áýejaı ókili.
