Júldeler kelesi sport túrlerinen buıyrdy:
Para kanoede Bıbarys Spataı KL2 jáne VL3 sanatynda qos kúmisti qanjyǵasyna baılasa, Jalǵas Taıkenov KL3 sanatynda kúmis júldeger atandy. Al Janyl Baltabaeva KL3 sanaty Maksım Bogatyrev KL1 sanattary boıynsha qola júldege boldy.
Para paýerlıftıngte Davıd Degtıarev Azııa para oıyndarynda alǵashqy altyn medaldi jeńip aldy. 54 kg salmaq dárejesinde óner kórsetken ol 186 kg baǵyndyryp, Azııa jáne Azııa para oıyndarynyń rekordyn jańartty. Al 41 kelide Tursynaı Qabyl men 73 kelide Raýshan Qoıshybaeva kúmis medal jeńip aldy. 45 kelide Gúlim Qurmanbaeva men 88 kelige deıingi salmaq dárejesinde óner kórsetken Rahmetjan Hamaev qola júldeni qanjyǵasyna baılady.
Para dzıýdo kúresinde jerlesterimiz Aqmaral Naýatbek (45 kg/ J2), Erǵalı Shameı (73 kg/ J1) jáne Oljas Orazalyuly (73 kg/ J2) altyn medaldi jeńip aldy. Kúmis júldege Asylan Nurdaýletov (73 kg/ J1), Janbota Amanjol (-90 kg/ J2), Zarına Raıfova (70 kg/ J2) jáne Erlan О́tepov (+90 kg/ J2) ıe boldy. Al Baýyrjan Arstanbek (-90 kg/ J1) , Daıana Fedosova (52 kg/ J2), Dınara Kýdjýlova (70 kg/ J1), Ǵalymjan Smaǵululy (-90 kg/ J2), Erlan Konkıev (+90 kg/ J2) ,Talǵat Ajgalıev (+90 kg/ J2) jáne Anýar Sarıev (60 kg/ J2) qola júldeni enshiledi. Ulttyq qurama dzıýdo kúresinen komandalyq esepte ekinshi orynǵa jaıǵasty.
Para jeńil atletıkada qazaqstandyq Dastan Muqashbekov ıadro ıterýden altyn medal ıegeri atandy. Ol -15,74 m nátıjesimen Azııa jáne Azııa para oıyndarynyń rekordyn jańartty. Sondaı-aq, osy sanatta qazaqtandyq Ivan Zeleznıak 12,39 m nátıjesimen qola medal jeńip aldy, al ekinshi oryn BAÁ sportshysyna buıyrdy.
Para júzýden Nurdaýlet Jumaǵalı eki altyn jeńip aldy (100 m brass jáne 200 m komplekstik stıl). Oǵan qosa 200 m komplekstik júzýde Azııa para oıyndarynyń rekordyn jańartty. Dıas Kenjebek 100 m qashyqtyqty 1:05:42-de júzip ótip, Azııa jáne Azııa para oıyndarynyń rekordyn ornatyp, el qorjynyna 7-shi altyn medaldi qosty. Al Nuráli Sovetqanov 100 metr brassta, Roman Potapov 100 metr shalqalap júzýde jáne 4h50 m aralas komplekstik estafetada óner kórsetken Zýlfııa Gabıdýllına, Sııazbek Dalıev, Natalıa Zvıagınseva jáne Aısultan Kýlkaev qola medal jeńip aldy.
Para taekvondoda Nyshan О́miráli (80 kg) men Kamılıa Dosmalova (57 kg) kúmis júldeger atansa, Marııam Salımgereeva (65 kg), Nurlan Donbaev (80 kg) pen Alısher Garıpollaev (+80 kg) qola júldeger atandy.
Shahmattan erler komandasy qola medal jeńip aldy. Juptyq komanda sapynda Alımjan Aıapov pen Serik Soltanov óner kórsetti.
Para velosportta Seıtjan Kenjeǵul men onyń pıloty Anton Lavrentev qola júldeger atandy. Sondaı-aq, jekeleı ýaqyt esebindegi básekede Seıtjan el qorjynyna taǵy qola medal saldy.
Voleıboldy otyryp oınaýda ulttyq qurama sportshylary kúmis júldege ıe boldy. Sportshylarymyz jartylaı fınalda alań qojaıyndary Qytaı eliniń komandasyn 3:2 esebimen jeńip, fınaldyq kezdesýde álemniń jáne Azııanyń birneshe dúrkin chempıony Iran memleketine 3:0 esebimen ese jiberdi.
Eske sala ketsek, ótken 2018 jyǵy Indonezııa ótken Azııa Para oıyndarynda Qazaqstan quramasy 33 medalmen (5 altyn, 15 kúmis, 13 qola) 13 orynǵa taban tiregen bolatyn.
IV Azııa Para oıyndary 22-28 qazan aralyǵynda qytaıdyń Hanchjoý qalasynda ótti. Jarysqa 43 memleketten 4000-ǵa jýyq sportshy qatysty.
