«Instıtýt Kaspıı teńiziniń ekologııalyq problemalaryn, sý deńgeıiniń tómendeý máselelerin, ıtbalyqtar men balyqtardyń jappaı qyrylý sebepterin Kaspıı ıtbalyqtarynyń popýlıasııasyn saqtaý ıhtıofaýnany akvatorııasy men Kaspıı jaǵalaýyn zertteıtin bolady. Sondaı-aq Kaspıı boıynsha shekaralas memleketterdegi áriptestermen ózara tyǵyz is-qımyldy qamtamasyz etý baǵytynda da jumys júrgizedi», delingen mınıstrlik habarlamasynda.
Alynǵan málimetter memlekettik jáne jergilikti atqarýshy organdardyń keshendi sharalar qabyldaýyna negiz bolatyny atap ótildi. Ǵylymı uıymnyń qurylýy da Kaspıı teńizin saqtaý boıynsha halyqaralyq jáne ulttyq mindettemelerdi tolyq oryndaýǵa múmkindik beredi.
«Memleket basshysy aldyn alý sharalaryn júrgizý úshin Mańǵystaý oblysynda Kaspıı teńizin zertteıtin memlekettik ǵylymı ınstıtýt qurýdy tapsyrdy. Instıtýttyń qurylýy máseleni zertteýge keshendi túrde qaraýǵa jáne aýqymdy máselelerdi sheshýge múmkindik beredi», dep atap ótti Sý resýrstary jáne ırrıgasııa mınıstri Nurjan Nurjigitov.
